ନୂଆଦିଲ୍ଲୀ: ପୂର୍ବରୁ ଅନଲାଇନ୍ ପେମେଣ୍ଟ କରିବାକୁ ସ୍ମାର୍ଟଫୋନରେ ଇଣ୍ଟରନେଟ୍ ନିହାତି ଆବଶ୍ୟକ ପଡୁଥିଲା। କିନ୍ତୁ ବର୍ତ୍ତମାନ ଆପଣ ବିନା ଇଣ୍ଟନେଟରେ କୌଣସି ସ୍ଥାନରୁ ମଧ୍ୟ ୟୁପିଆଇ ପେମେଣ୍ଟ କରିପାରିବେ। ଆସନ୍ତୁ ଜାଣିବା, ଏଥିପାଇଁ ଆମକୁ କଣ କରିବାକୁ ପଡିବ। ଏଥିପାଇଁ ଆମକୁ କେବଳ ମୋବାଇଲରୁ ଏକ କୋଡ୍ ଡାଏଲ୍ କରିବାକୁ ପଡିବ । ଏଥିଲାଗି ଇଣ୍ଟରନେଟର କୌଣସି ଆବଶ୍ୟକତା ନାହିଁ। ଇଣ୍ଟରନେଟ ବିନା USSD ସେବା ମାଧ୍ୟମରେ ଆପଣ ମୋବାଇଲରୁ ଡିଜିଟାଲ୍ ପେମେଣ୍ଟ କରିପାରିବେ। ଏଥିପାଇଁ ଆପଣଙ୍କୁ କେବଳ ମୋବାଇଲରେ (* 99 #) କୋଡ୍ ବ୍ୟବହାର କରିବାକୁ ପଡିବ। ଏହାକୁ USSD ସେବା କୁହାଯାଏ। ଆପଣ * 99 # USSD ସେବା ବ୍ୟବହାର କରି ଡିଜିଟାଲ୍ ପେମେଣ୍ଟ କରିପାରିବେ। ଏଥିଲାଗି ଫୋନରେ ଇଣ୍ଟରନେଟର ଆବଶ୍ୟକତା ନାହିଁ। ଏହି ସେବାକୁ ବ୍ୟବହାର କରିବାକୁ, ପ୍ରଥମେ ମୋବାଇଲରେ * 99 # ଟାଇପ୍ କରିବାକୁ ପଡିବ। ଏହା ପରେ ଆପଣଙ୍କୁ କଲ୍ ବଟନ୍ ଦବାଇବାକୁ ପଡିବ। ତୁମେ କଲ୍ ବଟନ୍ ଦବାଇବା ମାତ୍ରେ, ପପ୍ଅପ୍ ମେନୁରେ ୭ଟି ନୂଆ ଅପସନ୍ ଦେଖିବାକୁ ମିଳିବ। ଏଥିମଧ୍ୟରୁ ଆପଣଙ୍କୁ ଅପସନ୍ ନମ୍ବର ୧ ଉପରେ କ୍ଲିକ୍ କରିବାକୁ ପଡିବ। ଏହା ପରେ, ଟଙ୍କା ପଠାଇବା ଅପସନ୍ ଆସିବ । ଆପଣଙ୍କୁ ଏହା ଉପରେ କ୍ଲିକ୍ କରିବାକୁ ପଡିବ। ଏହାପରେ ଯେଉଁ ବ୍ୟକ୍ତିଙ୍କୁ ଆପଣ ଟଙ୍କା ପଠାଇବେ , ତାଙ୍କ ନମ୍ବର ଟାଇପ୍ କରିବାକୁ ପଡିବ। ଏହାବ୍ୟତୀତ, ଆପଣ ୟୁପିଆଇ ଆକାଉଣ୍ଟ ସହିତ ଲିଙ୍କ୍ ହୋଇଥିବା ମୋବାଇଲ୍ ନମ୍ବର ମଧ୍ୟ ଦେଇପାରିବେ । ତେବେ ବିନା ଇଣ୍ଟରନେଟରେ ୟୁପିଆଇ ପେମେଣ୍ଟ କରିବା ବେଳେ କିଛି ଗୁରୁତ୍ଵପୂର୍ଣ୍ଣ ଜିନିଷ ଉପରେ ଧ୍ୟାନ ଦେବାକୁ ପଡିବ । ସର୍ବପ୍ରଥମେ, ଆପଣଙ୍କର ମୋବାଇଲ୍ ନମ୍ବର ୟୁପିଆଇ ସହିତ ପଞ୍ଜିକୃତ ହେବା ଜରୁରୀ। ଏହାସହିତ, ସେହି ପଞ୍ଜୀକୃତ ମୋବାଇଲ୍ ନମ୍ବର ମଧ୍ୟ ଆପଣଙ୍କର ବ୍ୟାଙ୍କ ଆକାଉଣ୍ଟ ସହିତ ଲିଙ୍କ୍ ହେବା ଉଚିତ୍। ଇଣ୍ଟରନେଟ୍ ବିନା ୟୁପିଆଇ ପେମେଣ୍ଟ କରିବାକୁ , ଆପଣ ସମାନ ନମ୍ବରରୁ USSD ସେବା ବ୍ୟବହାର କରିପାରିବେ।
Popular Categories
Previous article
Next article