କଟକ: ଜବାହରଲାଲ ନେହରୁ ଇନଡୋର ଷ୍ଟାଡ଼ିୟମରେ ଆୟୋଜିତ ଅଲ୍ଟିମେଟ୍ ଖୋଖୋ-୨ରେ ଗୁଜରାଟ ଜାଏଣ୍ଟ୍ସ ବିଜେତା ଆଖ୍ୟା ଅର୍ଜନ କରିଛି। ସେହିପରି ଚେନ୍ନଇ କ୍ବିକ୍ଗନ୍ସ ଉପବିଜେତା ଓ ଓଡ଼ିଶା ଜଗରନଟ୍ସ ତୃତୀୟ ସ୍ଥାନ ହାସଲ କରିଛନ୍ତି। ଶନିବାର ଖେଳାଯାଇଥିବା ଫାଇନାଲରେ ଗୁଜରାଟ ଜାଏଣ୍ଟ୍ସ ୫ ପଏଣ୍ଟ ୩୧-୨୬ ପଏଣ୍ଟରେ ଚେନ୍ନଇ କ୍ବିକ୍ଗନ୍ସକୁ ପରାସ୍ତ କରି ପ୍ରଥମ ଥର ବିଜେତା ହୋଇଛି।
ଅନ୍ୟପକ୍ଷରେ ସେମିଫାଇନାଲରେ ପରାଜିତ ଦୁଇ ଦଳ ଓଡ଼ିଶା ଜଗରନଟ୍ସ ଓ ତେଲୁଗୁ ଯୋଦ୍ଧାସ ମଧ୍ୟରେ ତୃତୀୟ ସ୍ଥାନ ପାଇଁ ମ୍ୟାଚ ଖେଳାଯାଇଥିଲା। ଏଥିରେ ଓଡ଼ିଶା ଜଗରନଟ୍ସ ୮ ପଏଣ୍ଟ ୩୨-୨୪ ରେ ତେଲୁଗୁ ଯୋଦ୍ଧାସକୁ ପରାସ୍ତ କରି ତୃତୀୟ ସ୍ଥାନ ହାସଲ କରିଛି।
