ଡେସ୍କ: ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଆଜି ୩ ମ୍ୟାଚ ବିଶିଷ୍ଟ ଟି-୨୦ ସିରିଜର ପ୍ରଥମ ମ୍ୟାଚ ଖେଳାଯିବ। ଡର୍ବାନରେ ଏହି ମ୍ୟାଚ ଖେଳାଯିବ। ସୂର୍ଯ୍ୟକୁମାର ଯାଦବଙ୍କ ନେତୃତ୍ୱରେ ଭାରତୀୟ୍ ଦଳ ଏହି ମ୍ୟାଚ ଖେଳିବ।
୨୦୧୮ରେ ଭାରତ ଶେଷ ଥର ପାଇଁ ଦକ୍ଷିଣ ଆଫ୍ରିକାରେ ଟି-୨୦ ଶୃଙ୍ଖଳା ଖେଳିିଥିଲା। ସେହି ଶୃଙ୍ଖଳାରେ ଭାରତ ୨-୧ରେ ବିଜୟୀ ହୋଇଥିଲା। ଏହା ପୂର୍ବରୁ ୨୦୦୭ ଟି-୨୦ ବିଶ୍ବକପରେ ମଧ୍ୟ ଭାରତ ଦକ୍ଷିଣ ଆଫ୍ରିକାକୁ ପରାସ୍ତ କରିବାରେ ସଫଳ ହୋଇଥିଲା। ତେବେ ହାର୍ଦିକ ପାଣ୍ଡ୍ୟା ବାରମ୍ବାର ଆଘାତ ସମସ୍ୟାରେ ପଡୁଥିବାରୁ ସୂର୍ଯ୍ୟକୁମାରଙ୍କୁ ଟି୨୦ର ନୂତନ ଅଧିନାୟକ ଦାୟିତ୍ବ ମିଳିଛି।
- Advertisement -
ଦକ୍ଷିଣ ଆଫ୍ରିକା ଦଳ ଆଇଡାନ ମାର୍କରାମଙ୍କ ନେତୃତ୍ୱରେ ଖେଳିବ। ଶେଷ ୪ଟି ଟି-୨୦ ମ୍ୟାଚରେ ଭାରତ ୨ଟି ଓ ଦକ୍ଷିଣ ଆଫ୍ରିକା ୨ଟି ମ୍ୟାଚରେ ବିଜୟୀ ହୋଇଛନ୍ତି।
