କଳାହାଣ୍ଡି ପାଇଁ ଖୁସିର ଦିନ, ‘ଲକ୍ଷ୍ମୀ’ ଯୋଜନାର ଶୁଭାରମ୍ଭ କରି ବହୁତ ଖୁସି-ମୁଖ୍ୟମନ୍ତ୍ରୀ

ଭୁବନେଶ୍ୱର : ଆଜି କଳାହାଣ୍ଡି ପାଇଁ ଖୁସିର ଦିନ। ‘ଲକ୍ଷ୍ମୀ’ ଯୋଜନାର ଶୁଭାରମ୍ଭ କରି ବହୁତ ଖୁସି। ଜିଲାର ୬୩ ପଞ୍ଚାୟତରେ ବସ୍‌‌ ସୁବିଧା ମିଳିବ। ସମସ୍ତଙ୍କୁ ବିକାଶ ସହ ଏହି ଯୋଜନା ଯୋଡିବ। ଘରେ ଘରେ ଖୁସି ଆଣିବ। କଳାହାଣ୍ଡିରେ ଆଜି ଲକ୍ଷ୍ମୀ ଯୋଜନାର ଶୁଭାରମ୍ଭ କରି ମୁଖ୍ୟମନ୍ତ୍ରୀ ଏହା କହିଛନ୍ତି। ମୁଖ୍ୟମନ୍ତ୍ରୀ କହିଛନ୍ତି, ଶିକ୍ଷା,ସ୍ୱାସ୍ଥ୍ୟ, ଯୋଗାଯୋଗ ଆଦି କ୍ଷେତ୍ରରେ ବିକାଶ ଅଣାଯାଇଛି। ବିକାଶର ଯାତ୍ରାରେ ଆଗକୁ ବଢିଛି କଳାହାଣ୍ଡି। ସାରା ଦେଶକୁ କଳାହାଣ୍ଡି ଚାଉଳ ଯୋଗାଉଛି। ଖୁବ ଶୀଘ୍ର କଳାହାଣ୍ଡିରେ ଆମ ଓଡିଶା ନବୀନ ଓଡିଶା କାର୍ଯ୍ୟକ୍ରମ ଆରମ୍ଭ ହେବ। କଳାହାଣ୍ଡିର ବିକାଶ ପାଇଁ ସମସ୍ତଙ୍କ ସହଯୋଗ ଲୋଡିଛନ୍ତି ମୁଖ୍ୟମନ୍ତ୍ରୀ। ଆଜି କଳାହାଣ୍ଡି ପାଇଁ ଖୁସିର ଦିନ। ସହିଦ ରେଣ୍ଡୋ ମାଝୀ ମେଡିକାଲ କଲେଜର ଲୋକାର୍ପିତ ହୋଇଛି ବୋଲି ନିଜ ଉଦ୍‌‌ବୋଧନରେ କହିଛନ୍ତି।
ଆଜି କଳାହାଣ୍ଡି ପ୍ରତିଷ୍ଠା ଦିବସ। ଏହି ଅବସରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଭେଟି ଦେଇଛନ୍ତି। କଳାହାଣ୍ଡିରେ ‘ଲକ୍ଷ୍ମୀ’ ବସ୍‌‌ ଯୋଜନାର ଶୁଭାରମ୍ଭ କରିଛନ୍ତି ମୁଖ୍ୟମନ୍ତ୍ରୀ। ଗ୍ରାମାଞ୍ଚଳରୁ ସହରାଞ୍ଚଳକୁ ଗଡିଲା ଲକ୍ଷ୍ମୀ ବସ୍‌‌। ଗମନାଗମନ ସୁବିଧାରେ ନୂଆ ଅଧ୍ୟାୟ ଯୋଡି ହେଲା। ଏହି ବସ୍‌‌ ସେବା ଆରମ୍ଭ ହେବା ଦ୍ୱାରା ଲୋକେ ନିଜ ନିଜ ଶିକ୍ଷା, ସ୍ୱାସ୍ଥ୍ୟ ସମେତ ଅନ୍ୟ ସମସ୍ତ ମୌଲିକ ସେବା ପାଇଁ ବସ୍ ସେବା ପାଇପାରିବେ। ମୁଖ୍ୟମନ୍ତ୍ରୀ ୧୭ଟି ପ୍ରକଳ୍ପର ଶୁଭାରମ୍ଭ ଓ ୧୮୦ଟି ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିଛନ୍ତି।