ଫୁଲବାଣୀ:ଅଦ୍ୟାବିଧି ଏଚଆଇଭି ସଂକ୍ରମଣ ରୋକିବା ନିମନ୍ତେ ସରକାରଙ୍କର ବିଭିନ୍ନ କାର୍ଯ୍ୟକ୍ରମ କାର୍ଯ୍ୟକାରୀ ହେଉଥିବା ବେଳେ ସୁଗମ ସମନ୍ୱିତ ପରାମର୍ଶ ଓ ରକ୍ତ ପରୀକ୍ଷା କେନ୍ଦ୍ରରେ କାର୍ଯ୍ୟ କରୁଥିବା ପ୍ରୟୋଗଶାଳା ବିଶେଷଜ୍ଞ ମାନଙ୍କର ଭୂମିକା ଗୁରୁତ୍ୱପୂର୍ଣ୍ଣ। ଏଣୁ ସଠିକ୍ ଅନ୍ତରାଳରେ ସେମାନଙ୍କର ଦକ୍ଷତା ବୃଦ୍ଧିର ଆବଶ୍ୟକତାକୁ ଦୃଷ୍ଟିରେ ରଖି ରାଜ୍ୟ ଏଡସ ନିୟନ୍ତ୍ରଣ ସମିତି ଓ କନ୍ଧମାଳ ଜିଲା ସ୍ୱାସ୍ଥ୍ୟ ସମିତି ସହଯୋଗାରେ ସ୍ୱାତୀ ଅନୁଷ୍ଠାନ ପକ୍ଷରୁ ଏକ ଦିନିକିଆ ତାଲିମ ମୂଖ୍ୟ ଚିକିତ୍ସାଳୟର ଡିଟିସି କେନ୍ଦ୍ର ଠାରେ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ଗୋଷ୍ଠୀସ୍ୱାସ୍ଥ୍ୟ କେନ୍ଦ୍ର ସ୍ତରରେ କାର୍ଯ୍ୟରତ ସେମାନଙ୍କର ପରାମର୍ଶ ସେବା ଓ ସଂକ୍ରମିତ ବ୍ୟକ୍ତିକୁ ଚିହ୍ନଟି କରଣ ସମୟରେ ସତର୍କତା ଅବଲମ୍ବନ, ସଠିକ୍ ବିପଦ ସଂକୁଳ ଗୋଷ୍ଠୀକୁ ପରଖି ସେମାନଙ୍କୁ ସମନ୍ୱିତ ପରୀକ୍ଷା କେନ୍ଦ୍ରକୁ ପ୍ରେରଣ କରିବା ପ୍ରକ୍ରିୟା ସମ୍ପର୍କରେ ଜ୍ଞାନ ଓ ଦକ୍ଷତା ବଢାଇବା। କର୍ଯ୍ୟକ୍ରମରେ ଲକ୍ଷ୍ୟଭେଦି ପ୍ରକଳ୍ପ ତରଫରୁ କାର୍ଯ୍ୟକାରୀ ହେଉଥିବା ୮ଟି ବ୍ଲକର ଏଲଟିମାନଙ୍କ ସହିତ ଜାତୀୟ ଯକ୍ଷ୍ମା ନିରାକରଣ କାର୍ଯ୍ୟକ୍ରମ ତରଫରୁ ଏଲଟି ମଧ୍ୟ ଯୋଗ ଦେଇଥିଲେ। ଜିଲାସୁପରଭାଇଜର ଦେବାଶିଷ ମିଶ୍ର ପରାମର୍ଶ ଜନୀତ ସେବା ବିଷୟରେ ବିସୃତ ଭାବେ ଆଲୋଚନା କରିଥିବା ବେଳେ ଗୋବିନ୍ଦ ଚନ୍ଦ୍ର ଜେନା ଗର୍ଭବତୀ ମା’ ଠାରୁ ଶିଶୁଙ୍କୁ ସଂକ୍ରମଣ ରୋକିବାର ପ୍ରକ୍ରିୟା ଗୁଡିକୁ ଦର୍ଶାଇଥିଲେ। ଅନୁଷ୍ଠାନର ପ୍ରକଳ୍ପ ସଂଯୋଜକ ବିଶ୍ୱରଞ୍ଜନ କର ପ୍ରକଳ୍ପ ମାଧ୍ୟମରେ କାର୍ଯ୍ୟକାରି ହେଉଥିବା ସୁବିଧା ସୁଯୋଗ ବିଷୟରେ ସମସ୍ତ ଏଲଟିମାନଙ୍କୁ ଅବଗତ କରିଥିଲେ। ଅତିରିକ୍ତ ଜନ ସ୍ୱାସ୍ଥ୍ୟ ଅଧିକାରୀ ଡା.ପ୍ରଶନ୍ନ କୁମାର ତ୍ରିପାଠୀ ଜାତୀୟ ଏଡସ ନିୟନ୍ତ୍ରଣ ସଂସ୍ଥାର ୫ ମ ସଂସ୍ମରଣ ରେ ଗୁରୁତ୍ୱ ଦିଆଯାଇଥିବା ୯୫-୯୫-୯୫ ଲକ୍ଷ୍ୟ କିପରି କନ୍ଧମାଳ ଜିଲ୍ଲାରେ ହାସଲ କରାଯାଇ ପାରିବ ତାହା ଉପସ୍ଥାପନ କରିବା ସହ ସମସ୍ତଙ୍କର ସହଯୋଗ କାମନା କରିଥିଲେ। ଶେଷରେ ପ୍ରଦୀପ କୁମାର ସ୍ୱାଇଁ ଧନ୍ୟବାଦ ଅର୍ପଣ କରିଥିବା ବେଳେ ସାନ୍ତନୁ କୁମାର ମିଶ୍ର ଓ ବୈକୁଣ୍ଠ ଚରଣ ଦାସ ଉପସ୍ଥିତ ରହି ସହଯୋଗ କରିଥିଲେ। କାର୍ଯ୍ୟକ୍ରମର ସମସ୍ତ ବିଷୟକୁ ତଥ୍ୟ ସମ୍ବଳିତ କରିବାକୁ ସୃତ୍ୟୁଞ୍ଜୟ ବେହେରା ସହଯୋଗ କରିଥିଲେ।
ଫୁଲବାଣୀ:ଅଦ୍ୟାବିଧି ଏଚଆଇଭି ସଂକ୍ରମଣ ରୋକିବା ନିମନ୍ତେ ସରକାରଙ୍କର ବିଭିନ୍ନ କାର୍ଯ୍ୟକ୍ରମ କାର୍ଯ୍ୟକାରୀ ହେଉଥିବା ବେଳେ ସୁଗମ ସମନ୍ୱିତ ପରାମର୍ଶ ଓ ରକ୍ତ ପରୀକ୍ଷା କେନ୍ଦ୍ରରେ କାର୍ଯ୍ୟ କରୁଥିବା ପ୍ରୟୋଗଶାଳା ବିଶେଷଜ୍ଞ ମାନଙ୍କର ଭୂମିକା ଗୁରୁତ୍ୱପୂର୍ଣ୍ଣ। ଏଣୁ ସଠିକ୍ ଅନ୍ତରାଳରେ ସେମାନଙ୍କର ଦକ୍ଷତା ବୃଦ୍ଧିର ଆବଶ୍ୟକତାକୁ ଦୃଷ୍ଟିରେ ରଖି ରାଜ୍ୟ ଏଡସ ନିୟନ୍ତ୍ରଣ ସମିତି ଓ କନ୍ଧମାଳ ଜିଲା ସ୍ୱାସ୍ଥ୍ୟ ସମିତି ସହଯୋଗାରେ ସ୍ୱାତୀ ଅନୁଷ୍ଠାନ ପକ୍ଷରୁ ଏକ ଦିନିକିଆ ତାଲିମ ମୂଖ୍ୟ ଚିକିତ୍ସାଳୟର ଡିଟିସି କେନ୍ଦ୍ର ଠାରେ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ଗୋଷ୍ଠୀସ୍ୱାସ୍ଥ୍ୟ କେନ୍ଦ୍ର ସ୍ତରରେ କାର୍ଯ୍ୟରତ ସେମାନଙ୍କର ପରାମର୍ଶ ସେବା ଓ ସଂକ୍ରମିତ ବ୍ୟକ୍ତିକୁ ଚିହ୍ନଟି କରଣ ସମୟରେ ସତର୍କତା ଅବଲମ୍ବନ, ସଠିକ୍ ବିପଦ ସଂକୁଳ ଗୋଷ୍ଠୀକୁ ପରଖି ସେମାନଙ୍କୁ ସମନ୍ୱିତ ପରୀକ୍ଷା କେନ୍ଦ୍ରକୁ ପ୍ରେରଣ କରିବା ପ୍ରକ୍ରିୟା ସମ୍ପର୍କରେ ଜ୍ଞାନ ଓ ଦକ୍ଷତା ବଢାଇବା। କର୍ଯ୍ୟକ୍ରମରେ ଲକ୍ଷ୍ୟଭେଦି ପ୍ରକଳ୍ପ ତରଫରୁ କାର୍ଯ୍ୟକାରୀ ହେଉଥିବା ୮ଟି ବ୍ଲକର ଏଲଟିମାନଙ୍କ ସହିତ ଜାତୀୟ ଯକ୍ଷ୍ମା ନିରାକରଣ କାର୍ଯ୍ୟକ୍ରମ ତରଫରୁ ଏଲଟି ମଧ୍ୟ ଯୋଗ ଦେଇଥିଲେ। ଜିଲାସୁପରଭାଇଜର ଦେବାଶିଷ ମିଶ୍ର ପରାମର୍ଶ ଜନୀତ ସେବା ବିଷୟରେ ବିସୃତ ଭାବେ ଆଲୋଚନା କରିଥିବା ବେଳେ ଗୋବିନ୍ଦ ଚନ୍ଦ୍ର ଜେନା ଗର୍ଭବତୀ ମା’ ଠାରୁ ଶିଶୁଙ୍କୁ ସଂକ୍ରମଣ ରୋକିବାର ପ୍ରକ୍ରିୟା ଗୁଡିକୁ ଦର୍ଶାଇଥିଲେ। ଅନୁଷ୍ଠାନର ପ୍ରକଳ୍ପ ସଂଯୋଜକ ବିଶ୍ୱରଞ୍ଜନ କର ପ୍ରକଳ୍ପ ମାଧ୍ୟମରେ କାର୍ଯ୍ୟକାରି ହେଉଥିବା ସୁବିଧା ସୁଯୋଗ ବିଷୟରେ ସମସ୍ତ ଏଲଟିମାନଙ୍କୁ ଅବଗତ କରିଥିଲେ। ଅତିରିକ୍ତ ଜନ ସ୍ୱାସ୍ଥ୍ୟ ଅଧିକାରୀ ଡା.ପ୍ରଶନ୍ନ କୁମାର ତ୍ରିପାଠୀ ଜାତୀୟ ଏଡସ ନିୟନ୍ତ୍ରଣ ସଂସ୍ଥାର ୫ ମ ସଂସ୍ମରଣ ରେ ଗୁରୁତ୍ୱ ଦିଆଯାଇଥିବା ୯୫-୯୫-୯୫ ଲକ୍ଷ୍ୟ କିପରି କନ୍ଧମାଳ ଜିଲ୍ଲାରେ ହାସଲ କରାଯାଇ ପାରିବ ତାହା ଉପସ୍ଥାପନ କରିବା ସହ ସମସ୍ତଙ୍କର ସହଯୋଗ କାମନା କରିଥିଲେ। ଶେଷରେ ପ୍ରଦୀପ କୁମାର ସ୍ୱାଇଁ ଧନ୍ୟବାଦ ଅର୍ପଣ କରିଥିବା ବେଳେ ସାନ୍ତନୁ କୁମାର ମିଶ୍ର ଓ ବୈକୁଣ୍ଠ ଚରଣ ଦାସ ଉପସ୍ଥିତ ରହି ସହଯୋଗ କରିଥିଲେ। କାର୍ଯ୍ୟକ୍ରମର ସମସ୍ତ ବିଷୟକୁ ତଥ୍ୟ ସମ୍ବଳିତ କରିବାକୁ ସୃତ୍ୟୁଞ୍ଜୟ ବେହେରା ସହଯୋଗ କରିଥିଲେ।
