ପୋର୍ଟବ୍ଲେୟାର: ଆଣ୍ଡାମାନ ନିକୋବର ଦ୍ୱୀପପୁଞ୍ଜର ନିଷିଦ୍ଧ ଇଲାକାକୁ ଯାଇ ଆଦିମ ଅଧିବାସୀଙ୍କ ତୀର ମାଡ଼ରେ ମୃତ୍ୟୁବରଣ କରିଥିବା ଆମେରିକୀୟ ପର୍ଯ୍ୟଟକ ଜନ୍ ଆଲେନ୍ ଚାଉଙ୍କ କିଛି ହାତଲେଖା ହସ୍ତଗତ ହୋଇଛି। ମୃତ୍ୟୁ ପୂର୍ବରୁ ସେ ‘ହେ ଭଗବାନ୍! ମୁଁ ବଞ୍ଚିବାକୁ ଚାହେଁ’ ବୋଲି ଲେଖିଥିବା ଜଣାପଡ଼ିଛି।
ୱାଶିଂଟନ୍ର ଭାଙ୍କୋଭର ନିବାସୀ ୨୬ ବର୍ଷୀୟ ଚାଉ ଜଣେ ମିଶନାରୀ ଭାବେ ଅନେକ ଦେଶ ଭ୍ରମଣ କରିଛନ୍ତି। ସେ ଏହା ପୂର୍ବରୁ ମଧ୍ୟ ଆଣ୍ଡାମାନ୍ ନିକୋବର ଆସିଥିବା ତାଙ୍କ ପରିବାର ପକ୍ଷରୁ ସୂଚନା ମିଳିଛି।
ନିଷିଦ୍ଧ ଇଲାକାକୁ ଯିବା ପାଇଁ ସେ କିଛି ମତ୍ସ୍ୟଜୀବୀଙ୍କୁ ଅନୁରୋଧ କରିଥିଲେ। ଏହାପରେ ଏକ ଛୋଟ ମାଛଧରା ଡଙ୍ଗାରେ ଦୁଃସାହସିକପୂର୍ଣ୍ଣ ଯାତ୍ରା ଆରମ୍ଭ କରିଥିଲେ। ସେଠାରେ ନଭେମ୍ବର ୧୬ ତାରିଖରେ ପହଞ୍ଚିବା ପରେ ତୀରମାଡ଼ରେ ମୃତ୍ୟୁ ଘଟିବା ପୂର୍ବରୁ ସେ ତାଙ୍କ ନୋଟ୍ବୁକ୍ରେ ମା’ଙ୍କ ଉଦ୍ଦେଶ୍ୟରେ ଲେଖିଥିବା ବିଷୟ ଏବେ ଗଣମାଧ୍ୟମ ସଂସ୍ଥାରେ ପ୍ରକାଶ ପାଇଛି।
ଜନ ଲେଖଥିଲେ ଯେ ‘ମୁଁ ପହଞ୍ଚିବା ପରେ ମୋତେ ଦେଖି ଆଦିବାସୀମାନେ ରାଗି ଯାଇଥିଲେ। ମୁଁ ସେମାନଙ୍କୁ ସେମାନଙ୍କ ଭାଷାରେ ବୁଝାଇବାକୁ ଚେଷ୍ଟା କରିଥିଲି। ମୋ ନାମ ଜନ୍। ମୁଁ ତୁମକୁ ଭଲ ପାଏ। ପ୍ରଭୁ ଯୀଶୁ ତୁମକୁ ଭଲ ପଆନ୍ତି। ଏହାପରେ ମୁଁ ତାଙ୍କ ଭାଷାରେ ଭଗବାନଙ୍କ ଉଦ୍ଦେଶ୍ୟରେ ପ୍ରାର୍ଥନା କରିଥିଲି। ଏହି ସମୟରେ ଜଣେ ଶିଶୁର ଏକ ତୀର ହଠାତ୍ ମୋ ଆଡ଼କୁ ଆସିଥିଲା। କିନ୍ତୁ ୱାଟରପ୍ରୁଫ୍ ବାଇବେଲ୍ରେ ବାଜି ଅଟକି ଯାଇଥିଲା।….’। ‘…..ଯୀଶୁ ସେମାନଙ୍କ ପାଇଁ ଯାହା କହିଛନ୍ତି ତାହା ଏବେ ସେମାନଙ୍କୁ ବୁଝାଇବାର ବେଳ ଆସିଛି…।’ ‘…ଏତେ ସୁନ୍ଦର ଅଞ୍ଚଳରେ ମୃତ୍ୟୁର ଅନ୍ଧାର କାହିଁକି…?…ଏହା ମୋ ଶେଷ ଲେଖା ହୋଇ ନପାରେ। ଯଦି ହୁଏ ତେବେ ସବୁ ଶ୍ରେୟ ଭଗବାନଙ୍କୁ ଯିବ…।’
ଭଗବାନ୍! ମୁଁ ବଞ୍ଚିବାକୁ ଚାହେଁ
Popular Categories
Previous article
Next article