ଡେସ୍କ: ୯୦ ଦିନରୁ ଅଧିକ ସମୟ ଧରି ଅଶାନ୍ତ ରହିଛି ମଣିପୁର। ସେଠାରେ କୁକି ଓ ମୈତେଇ ସମ୍ପ୍ରଦାୟ ମଧ୍ୟରେ ସୃଷ୍ଟି ହୋଇଥିବା ହିଂସାରେ ଏ ପର୍ଯ୍ୟନ୍ତ ସରକାରୀ ଭାବେ ୧୮୧ ଜଣଙ୍କ ମୃତ୍ୟୁ ହୋଇଥିବା ବେଳେ ପ୍ରକୃତ ମୃତ୍ୟୁ ସଂଖ୍ୟା ଆହୁରି ଅଧିକ ହେବ ବୋଲି ଅନୁମାନ କରାଯାଉଛି। ଅନ୍ୟପକ୍ଷରେ ଏହି ହିଂସା ସୃଷ୍ଟି ହେବାର ୨ ମାସ ପରେ ଭାଇରାଲ ହୋଇଥିବା ଭିଡିଓ ଯୋଗୁ ସଂସଦ ଅଚଳ ହୋଇପଡିବା ସହ ଉଭୟ ବିଜେପି ଓ କଂଗ୍ରେସ ପରସ୍ପରକୁ ଦୋଷାରୋପ କରିଥିଲେ। ସେହି ଭିଡିଓରେ ୩ ଜଣ ମହିଳାଙ୍କୁ ଉଲଗ୍ଣ କରି ବୁଲାଇବା ଓ ଦୁଷ୍କର୍ମ ଏବଂ ହତ୍ୟା କରିବା ଘଟଣା ବାହାରକୁ ଆସିଥିଲା।
ଏହି ଘଟଣାରେ ପୂର୍ବରୁ ସ୍ଵରାଷ୍ଟ୍ରମନ୍ତ୍ରୀ ଅମିତ ଶାହା ଅନେକ ଥର ମଣିପୁର ଗସ୍ତ କରି ପରିସ୍ଥିତି ନିୟନ୍ତ୍ରଣାଧୀନ ରହିଥିବା ଗଣମାଧ୍ୟମକୁ କହିଥିଲେ ମଧ୍ୟ ହିଂସା ଜାରି ରହିଥିଲା। ଆଜି ସେଠାରେ ସାନି ହିଂସାରେ ୩ ଜଣଙ୍କ ମୃତ୍ୟୁ ହୋଇଥିବା ସୂଚନା ମିଳିଛି। ତେବେ ଏହି ଘଟଣାରେ ବିରୋଧୀ କଂଗ୍ରେସ ନେତା ରାହୁଲ ଗାନ୍ଧୀ ମଣିପୁରରେ କଣ ପାଇଁ ଭାରତୀୟ ସେନା ମୁତୟନ କରାଯାଉ ନାହିଁ ବୋଲି ସଂସଦରେ ପ୍ରଶ୍ନ କରିଥିଲେ ଓ ସେ ଜୋର ଦେଇ କହିଥିଲେ ଯେ, ଭାରତୀୟ ସେନା ଏହି ହିଂସା ଘଟଣାକୁ କମ ଦିନ ମଧ୍ୟରେ ଆୟତ୍ତ କରିପାରିଥାନ୍ତା। ଏ ନେଇ କୌଣସି ଉତ୍ତର ମିଳିନଥିଲା।
ଅନ୍ୟପକ୍ଷରେ ଏବେ ମିଳିଥିବା ସୂଚନା ଅନୁଯାୟୀ, ମଣିପୁରର ବିଜେପି ସରକାର ଆସାମ ରାଇଫଲ୍ସ ବିରୋଧରେ ଏତଲା ଦାୟର କରିଥିବା ଜଣାପଡିଛି। ଆସାମ ରାଇଫଲ୍ସର ନବମ ବାଟାଲିଅନ ବିରୋଧରେ ଏହି ଏତଲା ଦାୟର କରାଯାଇଥିବା ଜଣାପଡିଛି। ସୂଚନା ଅନୁଯାୟୀ, ଆସାମ ରାଇଫଲ୍ସର କିଛି ଯବାନ ସରକାରୀ କର୍ମଚାରୀଙ୍କୁ କର୍ତ୍ତବ୍ୟ କରିବାକୁ ନ ଦେବା ଏବଂ ଆଇନ ଅବମାନନା କରିବା ଭଳି ଅଭିଯୋଗ ହୋଇଛି। ଅଗଷ୍ଟ ୬ରେ କ୍ୱାତା ଓ ବିଷ୍ଣୁପୁରରେ ହିଂସାରେ ୩ ଜଣ ମୈତେଇ ଓ ୨ ଜଣ କୁକି ସମ୍ପ୍ରଦାୟର ଲୋକଙ୍କ ମୃତ୍ୟୁ ହେବା ପରେ ଏହି ଏତଲା ହୋଇଥିବା ଜଣାପଡିଛି। ସେନା ପକ୍ଷରୁ ଏହି ଘଟଣାକୁ ମନଗଢା କାହାଣୀ ବୋଲି କୁହାଯାଇଛି। ଆସାମ ରାଇଫଲ୍ସର ଭାବମୂର୍ତ୍ତିରେ ଆଞ୍ଚ ଆଣିବା ଲାଗି ଏଭଳି କରାଯାଇଥିବା କୁହାଯାଇଛି।
"𝘾𝙤𝙣𝙩𝙞𝙣𝙪𝙚 𝙩𝙤 𝙗𝙚 𝙁𝙖𝙞𝙧 𝙩𝙤 𝙖𝙡𝙡 & 𝙁𝙚𝙖𝙧 𝙉𝙤𝙣𝙚"
Our message 👆to All Ranks deployed in #Manipur for restoring peace & normalcy @adgpi @easterncomd @official_dgar pic.twitter.com/J8mzr63HRc
— SpearCorps.IndianArmy (@Spearcorps) August 8, 2023
ଦାୟର ହୋଇଥିବା ଏତଲାରେ କୁହାଯାଇଛି ଯେ ଆସାମ ରାଇଫଲ୍ସର ଯବାନ କ୍ୱାଟାରେ ଏକ ରାସ୍ତାକୁ ବନ୍ଦ ରଖି ସ୍ଥାନୀୟ ପୁଲିସକୁ ଆଗକୁ ବଢିବାକୁ ଦେଇ ନ ଥିଲା ଯାହା ଫଳରେ କୁକି ଉଗ୍ରବାଦୀମାନେ ଖସି ଯିବାକୁ ସକ୍ଷମ ହୋଇଥିଲେ। ଇଣ୍ଡିଆନ ଏକ୍ସପ୍ରେସ ଖବରକାଗଜ ସୂଚନା ଅନୁଯାୟୀ, ମଣିପୁର ବିଜେପି ଏ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ରାଜ୍ୟରୁ ଆସାମ ରାଇଫଲ୍ସକୁ ହଟାଇ ଦେବାକୁ ଦାବି କରିଥିଲା। ଏ ନେଇ ସେନା ପକ୍ଷରୁ ଟ୍ୱିଟ ଜରିଆରେ କୁହାଯାଇଛି ଯେ ମେ’ ମାସ ୩ ତାରିଖ ପରଠାରୁ ମଣିପୁରରେ ଶାନ୍ତି ସ୍ଥାପନ ପାଇଁ ଆସାମ ରାଇଫଲସ ଅବିରତ ଉଦ୍ୟମ କରୁଥିବା ବେଳେ ଏଭଳି ଅଭିଯୋଗ ଗ୍ରହଣୀୟ ନୁହେଁ। ଏହି ଘଟଣା ପରେ ସେଠାରୁ
ସୂଚନାଯୋଗ୍ୟ, ଆସାମ ରାଇଫଲ୍ସ ହେଉଛି ଏକ କେନ୍ଦ୍ରୀୟ ସଶସ୍ତ୍ର ପୁଲିସ୍ ଫୋର୍ସ। ଗୃହ ମନ୍ତ୍ରଣାଳୟର ପ୍ରଶାସନିକ ନିୟନ୍ତ୍ରଣରେ ଥିବା ୬ଟି କେନ୍ଦ୍ରୀୟ ସଶସ୍ତ୍ର ପୁଲିସ ବାହିନୀ ମଧ୍ୟରୁ ଆସାମ ରାଇଫଲ୍ସ ଅନ୍ୟତମ।
