ଆଠଗଡ: ଆଠଗଡ ଥାନା ଅନ୍ତର୍ଗତ ସମସରପୁର ପଞ୍ଚାୟତର ଅମୃତମଣୋହିପାଟଣା ଗ୍ରାମରେ ଗତ ବୁଧବାର ଶାସକ ଦଳର ଦୁଇ ଗୋଷ୍ଠୀ ମଧ୍ୟରେ ସଂଘର୍ଷ ଓ ବୋମାମାଡ ଭଳି ଅଭାବନୀୟ ଘଟଣା ଘଟିଥିଲା। ଏହି ଗୋଷ୍ଠୀ ସଂଘର୍ଷରେ ୩ ଜଣ ଆହତ ହୋଇଥିଲେ। ଉଭୟ ଗୋଷ୍ଠୀ ପକ୍ଷରୁ ଆଠଗଡ ଥାନାରେ ପୃଥକ ପୃଥକ ଅଭିଯୋଗ ହୋଇଥିଲା। ଶାନ୍ତିଲତା ଜେନାଙ୍କ ଅଭିଯୋଗ ଆଧାରରେ ଥାନା କେଶ ନଂ ୧୬୮/୨୩ ଏବଂ ଗୁଣନିଧି ଜେନାଙ୍କ ଅଭିଯୋଗରେ ନଂ ୧୬୯ /୨୩ ରେ ମାମଲା ରୁଜୁ କରାଯାଇ ତଦନ୍ତ ଚାଲିଥିଲା। ଶନିବାର ପୁଲିସ ମୁଖ୍ୟ ଅଭିଯୁକ୍ତ ଅମୃତମଣୋହିପାଟଣା ଗ୍ରାମର ସ୍ବର୍ଗତ ସୁଧାକର ମନ୍ତ୍ରୀଙ୍କ ପୁତ୍ର ଅରିଶ ମନ୍ତ୍ରୀଙ୍କୁ ଅଟକ ରଖି ପୁଲିସ ଅଧିକାରୀ ପଚରାଉଚୁରା ଜାରି ରଖିଥିଲେ। ରବିବାର ଅରିଶକୁ ଗିରଫ କରି କୋର୍ଟ ଚାଲାଣ କରାଯାଇଥିବା ଏବଂ ଅରିଶ ନାମରେ ଏକାଧିକ ଅପରାଧିକ ମାମଲା ଥିବା ଆଠଗଡ ଥାନାର ଭାରପ୍ରାପ୍ତ ଆଇଆଇସି ବିଶ୍ବଜିତ ଜେନା ପ୍ରକାଶ କରିଛନ୍ତି। ଏହା ପୂର୍ବରୁ ଗତ ୧୧ ତାରିଖରେ ପୋଲିସ ଉଭୟଙ୍କ ଗୋଷ୍ଠୀର ଦୁଇ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିଲେ । ଗିରଫ ଅଭିଯୁକ୍ତ ହେଲେ ରୁଷିଆ ଓରଫ କିଶୋର କୁମାର ଜେନା ଓ ମହେଶ୍ବର ଓରଫ ପ୍ରସନ୍ନ ଜେନା।
Popular Categories
Previous article
Next article