ଅମରାବତୀ : ଆନ୍ଧ୍ରପ୍ରଦେଶର ପ୍ରକାଶମ ଜିଲାରେ ମଙ୍ଗଳବାର ବଡ ଧରଣର ସଡକ ଦୁର୍ଘଟଣା ଘଟିଛି। ବିବାହ ସମାରୋହରେ ଯୋଗ ଦେବାକୁ ଯାଉଥିବା ଏକ ବସ୍ କେନାଲ ମଧ୍ୟକୁ ଖସି ଯାଇ ୭ ଜଣଙ୍କ ମୃତ୍ୟୁ ହେବା ସହ ଅନେକ ଆହତ ହୋଇଛନ୍ତି। ଅଧିକାରୀଙ୍କ କହିବାନୁଯାୟୀ, ଘଟଣା ବିଷୟରେ ଖବର ପାଇବା ମାତ୍ରେ ଉଦ୍ଧାରକାରୀ ଦଳ ଘଟଣା ସ୍ଥଳରେ ପହଞ୍ଚିବା ସହ ଉଦ୍ଧାରକାର୍ଯ୍ୟ ଆରମ୍ଭ କରିଥିଲେ। ବସ୍ରେ ପ୍ରାୟ ୪୫ ଜଣ ବରଯାତ୍ରୀ ଥିଲେ ବୋଲି ଜଣାପଡିଛି। ମୃତକଙ୍କ ମଧ୍ୟରେ ପାଞ୍ଚ ଜଣ ମହିଳା, ଜଣେ ପୁରୁଷ ଓ ୬ ବର୍ଷର ଏକ ଶିଶୁ ରହିଛି ବୋଲି ପୁଲିସ ଠାରୁ ସୂଚନା ମିଳିଛି। ପୁଲିସ କହିବାନୁଯାୟୀ, ଯାତ୍ରୀବାହୀ ଏହି ବସ୍ର ଚାଳକ ବିପରୀତ ଦିଗରେ ଆସୁଥିବା ବସ୍ ସହ ଧକ୍କା ହେବାରୁ ବର୍ତ୍ତିବାକୁ ଯାଇ ଗାଡି ଉପରୁ ନିୟନ୍ତ୍ରଣ ହରାଇ କେନାଲକୁ ଖସି ପଡିଥିଲା। କେନାଲକୁ ଖସିବା ପୂର୍ବରୁ ବସ୍ଟି ଏକ ଖୁମ୍ବ ସହ ପ୍ରଥମେ ଧକ୍କା ହୋଇଥିଲା। ଦୁର୍ଘଟଣା ଘଟିବା ମାତ୍ରେ ବସ୍ର ବ୍ରେକ୍ ଫେଲ୍ ହେବା ସହ ଷ୍ଟିଅରିଙ୍ଗ କାମ କଲା ନାହିଁ ବୋଲି ଜୀବନ ବଞ୍ଚି ଯାଇଥିବା ବସ୍ ଚାଳକ କହିଛନ୍ତି।
