ଡେସ୍କ: ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହା କହିଛନ୍ତି ଯେ ମନ କି ବାତ କାର୍ଯ୍ୟକ୍ରମ ମାଧ୍ୟମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ କଥା ଯୁବ ପିଢ଼ିକୁ ଦେଶର ଭାଗ୍ୟୋଦୟ ଏବଂ ସମସ୍ତଙ୍କ ପାଇଁ ଏକ ଉତ୍ତମ ଭବିଷ୍ୟତ ଗଠନ ପାଇଁ ପ୍ରେରଣା ଦେଇଛି। ଆଜି ମୁମ୍ବାଇରେ କାର୍ଯ୍ୟକ୍ରମର ୧୦୦ ତମ ସଂସ୍କରଣ ଶୁଣିବା ପରେ ଶ୍ରୀ ଶାହା କହିଛନ୍ତି ଯେ ଏହି କାର୍ଯ୍ୟକ୍ରମ ମାଧ୍ୟମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏଭଳି ବାର୍ତ୍ତା ଦେଇଛନ୍ତି ଯାହା ଦେଶର କୋଣ ଅନୁକୋଣରେ ଲୋକ ଏବଂ ସରକାରଙ୍କ ମଧ୍ୟରେ ସମ୍ପର୍କ ଦୃଢ଼ କରୁଛି।
ସେ କହିଛନ୍ତି, ବିଭିନ୍ନ ଅଞ୍ଚଳ, ଭାଷା ଏବଂ ଉପଭାଷାରେ ସଂଳାପ କରି ପ୍ରଧାନମନ୍ତ୍ରୀ ଭାରତର ସାମାଜିକ ଗଣତନ୍ତ୍ରକୁ ମଜବୁତ କରିଛନ୍ତି। ଶ୍ରୀ ଶାହା କହିଛନ୍ତି ଯେ ମନ୍ କି ବାତ କେବଳ ରେଡିଓ କାର୍ଯ୍ୟକ୍ରମ ନୁହେଁ ବରଂ ସାମାଜିକ ପରିବର୍ତ୍ତନ ପାଇଁ ଏକ ଆନ୍ଦୋଳନ।
