ବୌଦ୍ଧ: ପବିତ୍ର ଅକ୍ଷତୃତୀୟା ଅବସରରେ ଭାରତୀୟ କିସାନ ସଙ୍ଘ ବୌଦ୍ଧ ଜିଲ୍ଲା ଆନୁକୂଲ୍ୟରେ ସ୍ଥାନୀୟ ତେତେଲେଙ୍ଗା ଗ୍ରାମରେ ଅକ୍ଷୟ ତୃତୀୟା ପାଳିତ ହୋଇଯାଇଛି। ଏଥିରେ କୃଷି ଦେବତା ପ୍ରଭୁ ବଳାରାମଙ୍କ ପୂଜନ କରାଯାଇ ମାଟି ମା ଙ୍କୁ ପ୍ରଣାମ କରି ମୁଠି ଅନୁକୂଳ କରାଯାଇଥିଲା। ଏବର୍ଷ ଫସଲ ଉତ୍ତମ ହେଉ ବୋଲି ଉତ୍ସବରେ ଉପସ୍ଥିତ ଶତାଧିକ ଚାଷୀ ପ୍ରଭୁ ବଳରାମ ଓ ମାଟି ମାଙ୍କୁ ଭକ୍ତିପୁତ ପୁଷ୍ପାଞ୍ଜଳି ଅର୍ପଣ କରିଥିଲେ। ଆସନ୍ତା ଜୁନ ମାସ ତେଇଶି ତାରିଖରେ ସାଲୁଙ୍କି ନଦୀର ଗମ୍ଭୀରା ଦର୍ହ, ଖଡ଼ଙ୍ଗ ନଦୀର ସାଡାଙ୍ଗ ଠାରେ ଜଳଭଣ୍ଡାର ନିର୍ମାଣ ଦାବି ପାଇଁ ଜୋରଦାର ଚାଷୀ ଆନ୍ଦୋଳନ କରିବା ପାଇଁ ବ୍ୟାପକ ପ୍ରଚାର ପ୍ରସାର କରାଯିବା ପାଈଁ ଆଲୋଚନା କରାଗଲା। ଏହି କାର୍ୟ୍ୟକ୍ରମରେ ନବୀନ ପ୍ରଧାନ, ରାଜ୍ୟ ସମ୍ପାଦକ ବିସିକେଶନ ପ୍ରଧାନ, ପ୍ରବିନ ପ୍ରଧାନ, ଗଣେଶ ବେହେରା, ରବି ଦେଓ, ନବୀନ ହୋତା, ଭୋଳଗିରି ସାହୁ, ଲବ ପ୍ରଧାନ, ତ୍ରିପୁର ମହାକୁଡ଼, ନିରଞ୍ଜନ ଗିରି, ସତ୍ୟା ପାଣ୍ଡେ, ଗଣ୍ଡା ବିଶି ପ୍ରମୁଖ ସତାଧିକ ଚାଷୀ ଉପସ୍ଥିତ ଥିଲେ। ତେତେଲେଙ୍ଗା ଗ୍ରାମର ଚାଷୀ ଭାଇ ମାନେ ସହଯୋଗ କରିଥିଲେ।
Popular Categories
Previous article
Next article