ମହିଧରପୁର : ମହିଧର ପୁର ଫାଣ୍ଡି ଅନ୍ତର୍ଗତ ଭଗାମଣ୍ଡା ପୋଲ ନିକଟରେ ଏକ ଓଆରଏସ ବୋଝେଇ ମିନିଟ୍ରକ ଓଲଟି ପଡ଼ିଥିବା ବେଳେ ଲୋକେ ଏହାକୁ ବୋହି ନେଇଛନ୍ତି। ଖବର ପାଇ ମହିଧରପୁର ଫାଣ୍ଡି ପୁଲିସ ଘଟଣା ସ୍ଥଳରେ ପହଞ୍ଚିଛି। ହେଲେ ଗାଡ଼ି ଚାଳକ ଫେରାର ହୋଇଯାଇଛି। ଗାଡ଼ି ନମ୍ବର ଟ୍ରାକ କରି ପୁଲିସ ଗାଡ଼ି ମାଲିକ ସହ ଯୋଗାଯୋଗ କରିଛି। ସେହିପରି ଓଲଟି ପଡ଼ିଥିବା ଗାଡ଼ିକୁ ଉଦ୍ଧାର କରିବା ପାଇ ପୁଲିସ କ୍ରେନ୍ ବ୍ୟବସ୍ଥା କରିଛି। ଖବର ନେବରୁ ଜଣାପଡିଛି ଗାଡ଼ିଟି ଅନୁଗୋଳରୁ ମହିଧରପୁର ଅଭିମୁଖେ ବୁଧବାର ସକାଳ ୯ଟାରେ ଯାଉଥିଲା। ଗାଡ଼ି ଚାଳକ ଭାରସାମ୍ୟ ହରାଇବାରୁ ଗାଡ଼ିଟି ଫୁଲପଡା ଠାରୁ ଦୁଇ କିଲୋମିଟର ଦୂର ଭଗାମୁଣ୍ଡା ପୋଲ ନିକଟରେ ଓଲଟି ପଡିଥିଲା। ସୂଚନା ଥାଉକି ଦୁଇମାସ ତଳେ ଗୁଳହି ପୋଲ ନିକଟରେ ଏକ ନିଶାଦ୍ରବ୍ୟ ବୋଝେଇ ଟ୍ରକ ଓଲଟି ପଡିଥିଲା। ଲୋକେ ସେହି ନିଶା ଜିନିଷକୁ ବୋହି ନେଇଥିଲେ। ଏହି ରାସ୍ତାରେ ବିଭିନ୍ନ ସ୍ଥାନରେ ହମ୍ପସ ନିର୍ମାଣର ଆବଶ୍ୟକତା ରହିଛି। ଯାହାଫଳରେ ଦୁର୍ଘଟଣା ନିୟନ୍ତ୍ରଣକୁ ଆସି ପାରିବ ବୋଲି ବୁଦ୍ଧିଜୀବୀ ମାନେ କହିଛନ୍ତି।
Popular Categories
Previous article
Next article