ଆଠଗଡ଼: ପୁରୁଣା କଟକ-ସମ୍ବଲପୁର ରାସ୍ତାର ଆଠଗଡ଼ ସହର ମଧ୍ୟସ୍ଥ ଝରଣଛକଠାରୁ ଚାନ୍ଦବାଲିଛକ ମଧ୍ୟବର୍ତ୍ତୀ ଏକ ସ୍ଥାନରେ ପିଚୁରାସ୍ତାକଡ ମାଟି ଦବି ବଡ ଗର୍ତ୍ତ ସୃଷ୍ଟି ହୋଇଛି ଯାହାକି ବଡଧରଣର ଦୁର୍ଘଟଣା ଆଶଙ୍କା ସୃଷ୍ଟି କରିଛି। ଦୁଇଦିନ ପୂର୍ବରୁ ଏକ ମାଲବାହୀ ଓଜନଦାର ଟ୍ରକ ଦେବୀ ମେଡିକାର ଷ୍ଟୋର ନିକଟରେ ପିଚୁ ରାସ୍ତାକଡ ମାଟି ଦବି ଯିବାରୁ ସେଠାରେ ଫସି ରହିଥିଲା। ବହୁକଷ୍ଟରେ ଜେସିବି ମେସିନ ସାହାଯ୍ୟରେ ଉକ୍ତ ଟ୍ରକକୁ ସେଠାରୁ ଉଠାଯାଇଥିଲା। ତେବେ ଟ୍ରକଟି ଉଠିବା ପରେ ରାସ୍ତାକଡ ନାଳର କାନ୍ଥ ଭୁଷୁଡି ଯିବା ସହ ଏକ ବଡ ଗାତ ସୃଷ୍ଟି ହୋଇଛି। ଉକ୍ତରାସ୍ତାରେ ଦୈନିକ ଶହ ଶହ ଯାନବାହାନ ଚଳାଚଳ କରୁଥିବା ଏବଂ ସେହି ରାସ୍ତା ଦେଇ ନିୟମିତ ଆଠଗଡ଼ ଓ କଟକ ଡାକ୍ତରଖାନାକୁ ଆମ୍ବୁଲାନ୍ସ ଯାତାୟତ କରୁଥିବା ଦୃଷ୍ଟିରୁ ସେଠାରେ ବଡଧରଣର ଦୁର୍ଘଟଣା ଆଶଙ୍କାକୁ ଏଡାଇ ଦେଇ ହେବନାହିଁ। ତେଣୁ ପୂର୍ତ୍ତବିଭାଗ କର୍ତ୍ତୃପକ୍ଷ ତୁରନ୍ତ ଉକ୍ତଖାଲକୁ ପୋତି ନାଳ ମରାମତି କରିବା ପାଇଁ ଦାବି ହେଉଛି।
Popular Categories
Previous article
Next article