ନୂଆଦିଲ୍ଲୀ: ଏକ ୧୪ ବର୍ଷରୁ କମ୍ ଆମନ୍ତ୍ରଣୀୟ କ୍ରିକେଟ ଟୁର୍ଣ୍ଣାମେଣ୍ଟରେ ଦିଲ୍ଲୀର ପ୍ରିୟାଂଶୁ ମୋଲିୟା ନାମକ ବାଳକ ଅପରାଜିତ ୫୫୬ ରନ୍କରି ଚର୍ଚ୍ଚାର କେନ୍ଦ୍ରବିନ୍ଦୁ ପାଲଟିଛନ୍ତି। ବରୋଦାରେ ଚାଲିଥିବା ଡି.କେ. ଗାଏକ୍ୱାଡ୍ ୧୪ ବର୍ଷରୁ କମ୍ କ୍ରିକେଟ ଟୁର୍ଣ୍ଣାମେଣ୍ଟରେ ଦିଲ୍ଲୀର ମହିନ୍ଦର ଲାଲା କ୍ରିକେଟ ଏକାଡେମୀ ପକ୍ଷରୁ ଖେଳି ୨ ଦିନିିଆ ମ୍ୟାଚ୍ରେ ପ୍ରିୟାଂଶୁ ଅପରାଜିତ ୫୫୬ ରନ୍ କରିଥିଲେ। ଯୋଗୀ ଏକାଡେମୀ ଦଳ ବିପକ୍ଷରେ ପ୍ରଥମେ ପ୍ରିୟାଂଶୁ ୪ଟି ୱିକେଟ ନେବାରୁ ଏହା ୫୨ ରନ୍ରେ ଅଲ୍ଆଉଟ ହୋଇଥିଲା। ପରେ ପ୍ରିୟାଂଶୁ ମୋଲିୟା ବ୍ୟାଟିଂକରି ପ୍ରଥମଦିନ ଶେଷସୁଦ୍ଧା ୪୦୮ ରନ୍କରି ଅପରାଜିତ ଥିଲେ। ୨ୟ ଦିନରେ ଇନିଂସ ଶେଷସୁଦ୍ଧା ପ୍ରିୟାଂଶୁ ଆଉ ୧୪୮ ରନ୍ ଯୋଗକରି ୫୫୬ ରନ୍ରେ ଅପରାଜିତ ରହିଥିଲେ। ଫଳରେ ମହିନ୍ଦର ଲାଲା ଏକାଡେମୀ ୪ ୱିକେଟରେ ୮୨୬ ରନ୍କରି ଇନିଂସ ଘୋଷଣା କରିଥିଲା। ପରେ ପ୍ରିୟାଂଶୁ ଆଉ ୨ଟି ୱିକେଟ ନେବାରୁ ଯୋଗୀ ଏକାଡେମୀ ୮୪ ରନ୍କରି ଇନିଂସ ପରାଜୟ ଭୋଗିଥିଲା। ସୂଚନାଯୋଗ୍ୟ; ୧୪ ବର୍ଷ ବୟସ୍କ ପ୍ରିୟାଂଶୁଙ୍କୁ ପୂର୍ବତନ ଭାରତୀୟ କ୍ରିକେଟର ମହିନ୍ଦର ଅମରନାଥ ତାଙ୍କ ଏକାଡେମୀରେ ପ୍ରଶିକ୍ଷଣ ଦେଉଛନ୍ତି।
Popular Categories
Next article