ଅପମିଶ୍ରିତ ରକ୍ତ :୫୦ପ୍ରତିଶତ ରକ୍ତ,୫୦ ପ୍ରତିଶତ ପାଣି

ନୂଆଦିଲ୍ଲୀ: ଅପମିଶ୍ରିତ ଖାଦ୍ୟ ପରେ ଏବେ ଅପମିଶ୍ରିତ ରକ୍ତ ବ୍ୟବସାୟରେ ସକ୍ରିୟ ହୋଇ ପଡ଼ିଛନ୍ତି ମାଫିଆ। ଉତ୍ତରପ୍ରଦେଶ ଏସଟିଏଫ ଦ୍ୱାରା ୫ଟି ର୍ୟାକେଟକୁ ଗିରଫ କରାଯାଇଛି। ଏହି ର୍ୟାକେଟ ୫୦ ପ୍ରତିଶତ ରକ୍ତରେ ୫୦ ପ୍ରତିଶତ ସାଲାଇନ ପାଣି ମିଶାଇ ଏହି ଅପମିଶ୍ରିତ ରକ୍ତ ପ୍ରସ୍ତୁତ କରୁଥିଲେ।
ଖାଦ୍ୟ ସୁରକ୍ଷା ଓ ଔଷଧ ନିୟନ୍ତ୍ରଣ ସଂସ୍ଥା ଓ ଏସଆଇଟି ଦ୍ୱାରା ମିଳିତ ଚଢଉରେ ଏହି ର୍ୟାକେଟ ଠାବ ହୋଇଛି।
ଉକ୍ତ ର୍ୟାକେଟ ସଂଗୃହିତ ରକ୍ତକୁ ଦ୍ୱିଗୁଣ କରିବା ପାଇଁ ଏଭଳି ଅଭିନବ ପନ୍ଥା ଆପଣେଇ ରୋଗୀଙ୍କୁ ବିକ୍ରି କରି ଦେଉଥିଲେ। ଏହି ରକ୍ତ ଗ୍ରହଣ କରିବା ଦ୍ୱାରା ରୋଗୀଙ୍କ ଜୀବନ ପ୍ରତି ବିପଦ ରହିଥିବାବେଳେ ଅର୍ଥ ରୋଜଗାର ଅଭିପ୍ରାୟରେ ଏହି ର୍ୟାକେଟ ଏଭଳି ଘୃଣ୍ୟ କାର୍ଯ୍ୟରେ ସକ୍ରିୟ ଥିଲେ। ପ୍ରଫେସର ତୁଲିକା ଚନ୍ଦ୍ରା ଏହି ମାମଲାରେ ରୋଗୀଙ୍କ ସ୍ୱାସ୍ଥ୍ୟକୁ ନେଇ ଉଦବେଗ ପ୍ରକାଶ କରିବା ସହ ସାଲାଇନ ପାଣି ଦ୍ୱାରା ରକ୍ତରେ ଲୋହିତ କଣିକାର ମାତ୍ରାକୁ କମାଇ ଦେଇଥାଏ ବୋଲି ସୂଚନା ଦେଇଛି। ଅର୍ଥାତ୍‍ ଯଦି ଜଣେ ରକ୍ତଦାତାଙ୍କ ରକ୍ତରେ ୧୨ ପ୍ରତିଶତ ହେମୋଗ୍ଲୋବିନ୍‍ ଥାଏ। ତେବେ ସାଲାଇନ ପାଣିର ମିଶ୍ରଣ ଦ୍ୱାରା ଏହା ୪ରୁ ୫ ପ୍ରତିଶତକୁ କମିଯିବ। ଫଳରେ ଜଣେ ରୋଗୀ ଯେତେ ଅଧିକ ଏଭଳି ରକ୍ତ ଗ୍ରହଣ କରିବ ତା’ର ଶରୀରରେ ସେତେ ମାତ୍ରାରେ ହେମୋଗ୍ଲୋବିନ କମିବାକୁ ଲାଗିବ।
ଏହି ଘଟଣାରେ ଗିରଫ ହୋଇଥିବା ମୁଖ୍ୟ ଅଭିଯୁକ୍ତ ମହମ୍ମଦ ନସୀମ ଏହି ର୍ୟାକେଟ ଦୀର୍ଘ ଏକ ବର୍ଷରୁ ଉର୍ଦ୍ଧ୍ବ ସମୟ ଧରି ସକ୍ରିୟ ବୋଲି ସ୍ୱୀକାର କରିଛନ୍ତି। ତାଙ୍କ ରକ୍ତ ରାଜ୍ୟର ବିଭିନ୍ନ ରକ୍ତ ଭଣ୍ଡାରରେ ପହଞ୍ଚି ଯାଇଥିବାବେଳେ ଏହି ରକ୍ତ ପରୀକ୍ଷା କରାଯାଉ ନଥିବାରୁ ଏଥିରେ ଏଡସ୍‍, ହେପାଟାଇଟିଜ ଓ ମ୍ୟାଲେରିଆ ପରି ଜୀବାଣୁ ଥିବାର ସମ୍ଭବମାନାକୁ ମଧ୍ୟ ଏଡ଼ାଇ ଦିଆଯାଇ ପାରେ।