ଡେସ୍କ: ଗତ ବର୍ଷ ଅଗଷ୍ଟରେ ଆଫଗାନିସ୍ତାନରେ ଶାସନ ପରିବର୍ତ୍ତନ ହେବା ପରେ ଦକ୍ଷିଣ ଏସିଆର ସ୍ଥିତିରେ ପରିବର୍ତ୍ତନ ଆସିଛି ଏବଂ ଅଲ କାଏଦା ଓ ଆଇଏସଆଇଏସର ପ୍ରଭାବ ଆଞ୍ଚଳିକ ସୁରକ୍ଷା ପାଇଁ ଗୁରୁତ୍ୱପୂର୍ଣ୍ଣ ଆହ୍ୱାନ ଦେଇଛି ବୋଲି ସ୍ବରାଷ୍ଟ୍ରମନ୍ତ୍ରୀ ଅମିତ ଶାହା କହିଛନ୍ତି। ଆତଙ୍କବାଦ ତଥା ଆତଙ୍କବାଦୀଙ୍କୁ ଅର୍ଥ ଯୋଗାଣ ବିରୋଧୀ ୩ୟ ମନ୍ତ୍ରୀ ସମ୍ମିଳନୀରେ ଏକ ଅଧିବେଶନକୁ ସମ୍ବୋଧିତ କରି ଶ୍ରୀ ଶାହା ତାଲିବାନର ନାମ ନ ନେଇ କହିଛନ୍ତି ଯେ ଏହି ନୂତନ ସମୀକରଣ ଆତଙ୍କବାଦ ପାଇଁ ଅର୍ଥ ଯୋଗାଣ ସମସ୍ୟାକୁ ଗୁରୁତର କରିଛି। ସେ କହିଛନ୍ତି, ତିନି ଦଶନ୍ଧି ପୂର୍ବରୁ, ୧୯୯୦ ଦଶକରେ ସୋଭିଏତ୍ ସୈନ୍ୟ ପ୍ରତ୍ୟାହାର ଏବଂ ୟୁଏସଏସର ପତନ ପରେ ସମଗ୍ର ବିଶ୍ୱକୁ ଏପରି ଏକ ଶାସନ ପରିବର୍ତ୍ତନର ଗମ୍ଭୀର ପରିଣାମ ସହିବାକୁ ପଡ଼ିଲା, ଯାହାର ପରିଣାମ ଆମେ ସମସ୍ତେ ୯/୧୧ର ଭୟାନକ ଆକ୍ରମଣରେ ଦେଖିଛୁ। |
ସେ କହିଛନ୍ତି ଯେ ଗତ ବର୍ଷ ଦକ୍ଷିଣ ଏସୀୟ ଅଞ୍ଚଳରେ ହୋଇଥିବା ପରିବର୍ତ୍ତନ ଆମ ସମସ୍ତଙ୍କ ପାଇଁ ଚିନ୍ତାର ବିଷୟ। ଅଲ କାଏଦା ସହିତ ଦକ୍ଷିଣ ଏସିଆର ଲଶ୍କର-ଏ-ତୋଏବା ଏବଂ ଜେସେ-ଏ-ମହମ୍ମଦ ଭଳି ସଂଗଠନ ଆତଙ୍କବାଦ ବିସ୍ତାର କରିବାରେ ଲାଗିଛି। ଶାହା କହିଛନ୍ତି ଯେ ଆତଙ୍କବାଦୀଙ୍କ ସୁରକ୍ଷିତ ସ୍ଥାନ କିମ୍ବା ସେମାନଙ୍କ ସମ୍ବଳକୁ ଆମେ ଏଡାଇ ଯିବା ଉଚିତ ନୁହେଁ।
==
