ଗଞ୍ଜାମ: ଗଞ୍ଜାମ ପୁଲିସ ପୁଣି ଏକ ଏନକାଉଣ୍ଟର କରିଛି। ଚମlଖଣ୍ଡି ପୁଲିସ ଦ୍ୱାରା ଏହି ଏନକାଉଣ୍ଟରରେ ଦୁଇ ଜଣ ଅପରାଧୀ ଆହତ ହୋଇଛନ୍ତି। ଆହତ ଦୁଇ ଜଣ ଅପରାଧୀ ହେଲେ ମନୋଜ ସାହୁ ଓ ବିଶ୍ୱଜିତ ବାରିକ। ଦୁଇ ଜଣଙ୍କ ଡାହାଣ ଗୋଡରେ ଗୁଳି ବାଜିଥିବା ଜଣା ପଡିଛି। ସେମାନଙ୍କୁ ଆହତ ଅବସ୍ଥାରେ ପ୍ରଥମେ ଛତ୍ରପୁର ମେଡିକାଲ ଓ ପରେ ବ୍ରହ୍ମପୁର ଏମକେସିଜିରେ ଭର୍ତ୍ତି କରାଯାଇଛି। ସେମାନଙ୍କ ନିକଟରୁ ୧ଲକ୍ଷ ୫୦ହଜାର ଟଙ୍କା ସହ ଦୁଇଟି ପିସ୍ତଲ ଓ ଚାରୋଟି ଗୁଳି ଜବତ ହୋଇଛି।
Related Posts
ସୂଚନାଯୋଗ୍ୟ ଯେ, ଚମାଖଣ୍ଡି ପୁଲିସ ଦୁଇ ଜଣଙ୍କୁ ଦେଖି ଅଟକାଇବାକୁ ଚେଷ୍ଟା କରୁଥିବା ବେଳେ ସେମାନେ ପୁଲିସ ଉପରକୁ ଗୁଳି ଚଳାଇଥିଲେ। ପୁଲିସର ପାଲଟା ଗୁଳିରେ ସେମାନଙ୍କ ଗୋଡରେ ଗୁଳି ବାଜିଛି। ମନୋଜର ଘର ପୋଲସରା ଓ ବିଶ୍ୱଜିତର ଘର ଖୋର୍ଦ୍ଧା ଜ଼ିଲା କାଇପଦର ବୋଲି ଜଣା ପଡିଛି। ସେମାନଙ୍କ ନାମରେ ବିଭିନ୍ନ ଥାନାରେ ୨୫ରୁ ଅଧିକ ମାମଲା ରହିଥିବାର ଜଣା ପଡିଛି। ଚମାଖଣ୍ଡି ପେଟ୍ରୋଲ ପମ୍ପ ଡକାୟତିରେ ଦୁଇ ଜଣ ସଂପୃକ୍ତ ଥିବାର ଅଭିଯୋଗ ରହିଛି।