କାମାକ୍ଷାନଗର : କାମାକ୍ଷାନଗର ରେଞ୍ଜ ଅନ୍ତର୍ଗତ ବାଲିଗୋରଡ଼ ପଞ୍ଚାୟତର ଭଣ୍ଡାରୀଆ ମୌଜାରେ ବାରହା ଉପଦ୍ରବରେ ବ୍ୟାପକ ଫସଲ ନଷ୍ଟ ହେଉଥିବାରୁ ସମ୍ପୃକ୍ତ ଚାଷୀଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଉଛି । ଗତ କିଛିଦିନ ଧରି ଭଣ୍ଡାରୀଆ ମୌଜାରେ ବାରହା ପଲ ଉପଦ୍ରବ ଜାରି ରହିଥିବା ବେଳେ ବ୍ୟାପକ ଆଖୁ, ଧାନ, ପରିବା ଫସଲ ନଷ୍ଟ ହେଉଛି । ସମ୍ପୃକ୍ତ ଚାଷୀ ଧାର କରଜ କରି ଧାନ, ଆଖୁ ସହିତ ପନିପରିବା ଚାଷ କରିଛନ୍ତି । କିନ୍ତୁ ଏବେ ସଂନିକଟ ମଞ୍ଜକଣ ଜଙ୍ଗଲରେ ରହି ବାରହା ପଲ ଉକ୍ତ ଜମିରେ ପଶି ଫସଲ ସବୁ ଦଳି ଚକଟି ନଷ୍ଟ କରିବାରେ ଲାଗିଛନ୍ତି । ଏପରକି ଦିନ ଦ୍ବିପହରରେ ମଧ୍ୟ ବାରହା ପଲ ଉପଦ୍ରବ ଆରମ୍ଭ କରିଛନ୍ତି । ଫଳରେ ଏବେ ଚାଷୀଙ୍କ ମଧ୍ୟରେ ଭାଲେଣି ପଡ଼ିଲାଣି । ବିଭାଗୀୟ ସ୍ତରରେ ଏଥିପ୍ରତି ଦୃଷ୍ଟି ଦେଇ କ୍ଷତିଗ୍ରସ୍ତ ଚାଷୀଙ୍କୁ କ୍ଷତି ପୂରଣ ପ୍ରଦାନ ଦିଗରେ ପଦକ୍ଷେପ ନେବା ସକାଶେ ସଂମ୍ପୃକ୍ତ ଚାଷୀଙ୍କ ମଧ୍ୟରେ ଦାବି ହେଉଛି ।
Popular Categories
Previous article
Next article