ଗୋପ : ବିଦ୍ୟାଳୟ ଯାଇ ନ ଥିବା ୩ ବର୍ଷ ୭ମାସର ବାଳକକୁ ମିଳିଛି ସଫଳତା। ଗୋପ ବ୍ଲକ ଅଧୀନ ବେଦପୁର ପଞ୍ଚାୟତ ବେଦପୁର ଗ୍ରାମର ମନମୋହନ ସାହୁ ଓ ଅମିତା ସାହୁଙ୍କ ପୁତ୍ର ଏମ୍.ଏ.ପ୍ରତ୍ୟୁଷ ଇଣ୍ଡିଆ ବୁକ୍ ଅଫ୍ ରେକର୍ଡରେ ସ୍ଥାନ ପାଇଛନ୍ତି । ପ୍ରତ୍ୟୁଷ ବହୁ ପ୍ରତିଭାର ଅଧିକାରୀ ହୋଇଥିବାବେଳେ ସେ ୩୦ଟି କମ୍ପ୍ୟୁଟର ସରଞ୍ଜାମ, ୪୬ଟି ପଶୁ, ୧୬ଟି ପକ୍ଷୀ, ୨୦ଟି ଫୁଲ, ୨୦ଫଳ, ମଣିଷ ଶରୀରର ବିଭିନ୍ନ ଅଙ୍ଗ ପ୍ରତ୍ୟେଙ୍ଗ, ୧୦ଟି ରାଇମ୍ସ, ଜାତୀୟ ସଙ୍ଗୀତ, ସାଧାରଣ ଜ୍ଞାନ, ୧୬ଟି ପଶୁ ଛୁଆର ନାମ ସ୍ପଷ୍ଟ ଭାବେ ଓଡ଼ିଆ ଏବଂ ଇଂରାଜୀରେ କହିପାରିବା ସହ ବିଭିନ୍ନ ପ୍ରଶ୍ନର ଉତ୍ତର ତତ୍କ୍ଷଣାତ୍ ଦେଇପାରିଛନ୍ତି । ଏଥିସହ ୨୦ ପ୍ରକାର ଯୋଗ ସମେତ ବିଭିନ୍ନ ଶ୍ଳୋକ ମଧ୍ୟ ମନେ ରଖିପାରିଛନ୍ତି । ମା’ ଅମିତାଙ୍କ ପ୍ରଚେଷ୍ଟା ଓ ପରିବାର ବର୍ଗଙ୍କ ଆଶୀର୍ବାଦରେ ସେ କମ୍ ବୟସରେ ବିଭିନ୍ନ ପ୍ରତିଭାର ଅଧିକାରୀ ହୋଇପାରିଛନ୍ତି। ଆଗାମୀ ଦିନରେ ପୁଅକୁ ପୁଲିସ ଅଧିକାରୀ କରିବାର ଲକ୍ଷ୍ୟ ରଖିଥିବା ମା’ ଅମିତା କହିଛନ୍ତି।
Popular Categories
Previous article
Next article