ପାଟନା: ବିହାର ସମସ୍ତିପୁର ରେଳ ଡିଭିଜନର ହାସନପୁର ଷ୍ଟେସନରେ ଏକ ଯାତ୍ରୀବାହୀ ଟ୍ରେନ ଏକ ଘଣ୍ଟା ଅଟକି ରହିବା ପଛର କାରଣ ସାଧାରଣରେ ଚର୍ଚ୍ଚାର ବିଷୟ ହୋଇଛି। ସିଗନାଲ ବା ଯାନ୍ତ୍ରିକ ତ୍ରୁଟି ଜନିତ ସାଧାରଣ ଅସୁବିଧା ନୁହେଁ; ବରଂ ଟ୍ରେନର ସହକାରୀ ଚାଳକ (ଆସିଷ୍ଟାଣ୍ଟ ଲୋକ ପାଇଲଟ) ମଦ ପିଇବା ଲାଗି ଟ୍ରେନ ଛାଡି ପଳାଇଯିବାରୁ ଏହା ବିଳମ୍ବ ହୋଇଛି। ରିପୋର୍ଟ ଅନୁଯାୟୀ ଟ୍ରେନ ଚାଳକ କରଣବୀର ଯାଦବ ମଦ ପିଇବା ଲାଗି ଗାଡିରୁ ଓହ୍ଲାଇ ପଳାଇ ଯାଇଥିଲେ। ସବୁଜ ସିଗନାଲ ଦିଆଯିବା ସତ୍ତ୍ବେ ଗାଡି ଚାଲୁ ନଥିବାରୁ ଷ୍ଟେସନ ମାଷ୍ଟର ଏହାର ଅନୁଧ୍ୟାନ କରିଥିଲେ। ଏହା ମଧ୍ୟରେ ଟ୍ରେନର ଯାତ୍ରୀମାନେ ମଧ୍ୟ ବିରକ୍ତି ପ୍ରକାଶ କରିଥିଲେ। ଷ୍ଟେସନ ମାଷ୍ଟର ଅନୁଧ୍ୟାନ କରି ଜାଣିଥିଲେ ଯେ ଟ୍ରେନରେ ଚାଳକ ନାହାନ୍ତି। ରେଳବାଇ ପୁଲିସ ଚାଳକ କରଣବୀରଙ୍କୁ ଖୋଜାଖୋଜି କରିବାରୁ ତାଙ୍କୁ ମାତାଲ ଅବସ୍ଥାରେ ନିକଟସ୍ଥ ବଜାରରୁ ଉଦ୍ଧାର କରାଯାଇଥିଲା। ଷ୍ଟେସନ ମାଷ୍ଟର ଅନ୍ୟ ଜଣେ ଚାଳକଙ୍କ ଦ୍ବାରା ଟ୍ରେନକୁ ଚଳାଇବାର ବ୍ୟବସ୍ଥା କରିଥିଲେ।
Popular Categories
Previous article
Next article