ଡେସ୍କ: ଗ୍ଲୋବାଲ୍ ଆୟୁଷ ଇନ୍ଭେ ଷ୍ଟମେଣ୍ଟ ଆଣ୍ଡ୍ ଇନୋଭେସନ୍ ସମ୍ମେଳନରେ ଯୋଗଦେଇ ବିଶ୍ୱ ସ୍ୱାସ୍ଥ୍ୟ ସଂଗଠନ ମହାନିର୍ଦ୍ଦେଶକ ଜେନେରାଲ୍ ଡକ୍ଟର ଟେଡ୍ରସ୍ ଘେବ୍ରିୟେସସ୍ କହିଛନ୍ତି, ଆୟୁଷ ମାଧ୍ୟମରେ ଭାରତ ବିଶ୍ୱର ବିଭିନ୍ନ ପ୍ରାନ୍ତରେ ପହଞ୍ଚି ପାରିବ ଓ ବିଶ୍ୱର ଦେଶମାନେ ମଧ୍ୟ ଭାରତରେ ପହଞ୍ଚି ପାରିବେ। ସେ କହିଛନ୍ତି ୨୦୧୪ରେ ଆୟୁଷ ଶିଳ୍ପ ଶତକଡ଼ା ୧୭ ଭାଗ ଅଭିବୃଦ୍ଧି ହାସଲ କରିଥିବା ବେଳେ ଚଳିତବର୍ଷ ସୁଦ୍ଧା ଏହା ୨୩ ଶହ କୋଟି ଡଲାରରେ ପହଞ୍ଚିବ।
୩ ଦିନ ବ୍ୟାପୀ ଗ୍ଲୋବାଲ ଆୟୁଷ ଇନ୍ଭେଷ୍ଟମେଣ୍ଟ ଆଣ୍ଡ୍ ଇନୋଭେସନ୍ ସମିଟିରେ ୫ଟି ପୂର୍ଣ୍ଣାଙ୍ଗ ଅଧିବେଶନ, ୮ଟି ଗୋଲ୍ଟେବୁଲ୍ ବୈଠକ, ୬ଟି କର୍ମଶାଳା ଓ ୨ଟି ଆଲୋଚନାଚକ୍ର ଅନୁଷ୍ଠିତ ହେବ। ଏଥିରେ ୯୦ ଜଣ ବକ୍ତା ଓ ୧୦୦ଟି ପ୍ରଦର୍ଶନକାରୀ ମଧ୍ୟ ଭାଗ ନେଉଛନ୍ତି।
