ନୂଆଦିଲ୍ଳୀ: ଯୁଗ୍ମ ପ୍ରବେଶିକା ପରୀକ୍ଷା ବା ଜେଇଇ ଆଡଭାନ୍ସଡ୍ ପରୀକ୍ଷା-୨୦୨୨ ପାଇଁ ତାରିଖ ଧାର୍ଯ୍ୟ କରାଯାଇଛି । ଅଗଷ୍ଟ ୨୮ରେ ଜେଇଇ ଆଡଭାନ୍ସ ପରୀକ୍ଷା କରାଯିବା ନେଇ (ଆଇଆଇଟି) ବା ଇଣ୍ଡିଆନ୍ ଇନ୍ଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି ନିଷ୍ପତ୍ତି ନେଇଥିବା ସୂଚନା ଦେଇଛି । ପୂର୍ବରୁ ଜେଇଇ ଆଡଭାନ୍ସଡ୍ ପରୀକ୍ଷା ହେବା ନେଇ ଘୋଷଣା ହୋଇଥିଲା । ଜୁଲାଇ ୩ରେ ପରୀକ୍ଷା ହେବା ନେଇ ସୂଚନା ଦେଇଥିଲା ଆଇଆଇଟି । ବର୍ତ୍ତମାନର ସୂଚନା ଅନୁସାରେ ଛାତ୍ରଛାତ୍ରୀ ମାନେ ଏଥିପାଇଁ ଆବେଦନ କରିପାରିବେ । ଅଗଷ୍ଟ ୭ରୁ ଜେଇଇ ଆଡଭାନ୍ସଡ୍-୨୦୨୨ ପାଇଁ ଆବେଦନ ପ୍ରକ୍ରିୟା ଆରମ୍ଭ ହେବ ଏବଂ ଏହା ୧୧ ତାରିଖ ପର୍ଯ୍ୟନ୍ତ ଚାଲିବ । ୧୨ ତାରିଖ ଆବେଦନ ପ୍ରକିୟା ଶେଷ କରାଯିବ ବୋଲି ନିଷ୍ପତ୍ତି ନିଆଯାଇଛି । ଅଗଷ୍ଟ ୨୩ରୁ ୨୮ ସୁଦ୍ଧା ଛାତ୍ରଛାତ୍ରୀ ମାନେ ଆଡମିଟ୍ କାର୍ଡ ପାଇପାରିବେ । ଆଡମିଟ୍ କାର୍ଡ ପାଇବାକୁ ହେଲେ ପିଲା ମାନଙ୍କୁ ଜେଇଇ ଆଡଭାନ୍ସଡର ଅଫିସିଆଲ ୱେବସାଇଟକୁ ଯାଇ ଆଡମିଟ୍ କାର୍ଡ ଡାଉନଲୋଡ କରିବାକୁ ପଡ଼ିବ ।
Popular Categories
Previous article
Next article