କୁଆଁପାଳ: ମାହାଙ୍ଗା ଗଣହତ୍ୟା ଘଟଣାରେ ପୁଲିସ ତନାଘନା ଜାରି ରଖିଛି । ଅଭିଯୁକ୍ତ ହତ୍ୟାକାରୀ ଶିବ କରୁଛି କ୍ରାଇମ ରିକ୍ରିଏସନ । ଆଜି ପୁଲିସ ଶିବକୁ କ୍ରାଇମ ରିକ୍ରିଏସନ ପାଇଁ କୁସୁପୁରକୁ ଆଣିଥିଲା । ହତ୍ୟାକାଣ୍ଡ ସ୍ଥଳରେ କେମିତି ଏକାସାଙ୍ଗରେ ୫ ଜଣଙ୍କୁ ହତ୍ୟା କରିଥିଲା ତାର ଡେମୋ ଦେଖାଉଛି ଶିବ । ଅଭିଯୁକ୍ତ ଶିବ ପ୍ରସାଦକୁ ପୁଲିସ ୩ ଦିନିଆ ରିମାଣ୍ଡରେ ଆଣିଥିବା ବେଳେ ହତ୍ୟା ପଛର ଟିକିନିଖି ରହସ୍ୟ ପୁଲିସ ଖୋଜୁଛି । ହତ୍ୟା ବେଳେ ଶିବ ସାଥିରେ ସାମିଲ ଥିଲେ କି ଅନ୍ୟ କେହି ? ହତ୍ୟା ପଛରେ କେବଳ ରହିଛି ଜମିବାଡ଼ି ବିବାଦ ନା ଅନ୍ୟ କିଛି ? ଏକାସାଥିରେ ୫ଜଣଙ୍କୁ କିପରି ମାରିଲା ଶିବ ? ହତ୍ୟା କରିବା ପରେ ଶିବ ଦେହରେ ରକ୍ତ ଲାଗିଲାନି କେମିତି ? ଏପରି ଅନେକ ପ୍ରଶ୍ନ କରିବା ସହ ଘଟଣାସ୍ଥଳରେ ଅଭିଯୁକ୍ତ କିପରି ଭିଆଇଥିଲା ଅତ୍ୟାକାଣ୍ଡ ସେନେଇ ଶିବଠୁ ସବୁ ତଥ୍ୟ ଆଦାୟ କରୁଛି ପୁଲିସ । ତେବେ ଗତକାଲି ଶିବ ଅସୁସ୍ଥ ଥିବାରୁ ତାକୁ ମାହାଙ୍ଗା ମେଡିକାଲରେ ଭର୍ତ୍ତି କରାଯାଇଥିଲା । ଶିବ ସାହୁର ବାମ ଗୋଡ଼ ଷ୍ଟ୍ରିପ ହେବାରୁ ସେ ଠିକ୍ ସେ ଚାଲି ପାରୁନଥିଲା । ତେଣୁ ଆଜି ରିମାଣ୍ଡର ଦ୍ୱତୀୟ ଦିନରେ ବଡଭାଇଙ୍କ ପରିବାରର ୫ ଜଣଙ୍କୁ କିପରି ହତ୍ୟା କରିଛି ଶିବ ଡେମୋ ଦେଖାଉଛି । ଏଥିପାଇଁ କୁସୁପୁରରେ ପୁଲିସ ଛାଉଣୀ ହୋଇଛି ।
