ନୂଆଦିଲ୍ଲୀ: ମହାରାଷ୍ଟ୍ରର ଇଣ୍ଡିପେଣ୍ଡେନ୍ସ କୋ-ଅପରେଟିଭ୍ ବ୍ୟାଙ୍କ ଏଲଟିଡିର ଲାଇସେନ୍ସକୁ ବାତିଲ କଲା ଭାରତୀୟ ରିଜର୍ଭ ବ୍ୟାଙ୍କ (ଆରବିଆଇ) । ଲାଇସେନ୍ସ ବାତିଲ ହେତୁ ଏହି ବ୍ୟାଙ୍କ ଆଉ ଗ୍ରାହକଙ୍କୁ ସେବା ଯୋଗାଇପାରିବ ନାହିଁ । ଗତକାଲି ଏନେଇ ଆରବିଆଇ ଏକ ବିବୃତି ରଖିଥିଲା । ବିବୃତିରେ ଆରବିଆଇ କହିଥିଲା ବ୍ୟାଙ୍କର ଆର୍ଥିକ ସ୍ଥିତିକୁ ଦୃଷ୍ଟିରେ ରଖି ରିଜର୍ଭ ବ୍ୟାଙ୍କ ଗତ ବର୍ଷ ମଧ୍ୟ ଏଥିରେ କିଛି ପ୍ରତିବନ୍ଧକ ଲଗାଇଛି । ତତ୍କାଳୀନ ନିଷ୍ପତ୍ତି ହେତୁ ଗ୍ରାହକମାନେ ୬ ମାସ ପାଇଁ ଟଙ୍କା ଉଠାଇପାରିବେ ନାହିଁ । ବ୍ୟାଙ୍କର ବ୍ୟବସାୟିକ ଅବସ୍ଥାରେ ଉନ୍ନତିର ଅଭାବ ହେତୁ ଲାଇସେନ୍ସ ବାତିଲ କରିବାକୁ ନିଷ୍ପତ୍ତି ନିଆଯାଇଛି।
ଗ୍ରାହକଙ୍କ ପାଇଁ ଆରବିଆଇ ତାର ବିବୃତିରେ ଆହୁରି ମଧ୍ୟ କହିଛି । ଗ୍ରାହକମାନେ ନିୟମ ଅନୁଯାୟୀ ଟଙ୍କା ପାଇବେ । ମହାରାଷ୍ଟ୍ରର ନାଶିକ ସହରରେ ଥିବା ଇଣ୍ଡିପେଣ୍ଡନ୍ସ କୋ-ଅପରେଟିଭ୍ ବ୍ୟାଙ୍କ ଲାଇସେନ୍ସ ବାତିଲ କରିବା ସମୟରେ ଆରବିଆଇ ସଂପୃକ୍ତ ବିଭାଗ ଏବଂ ଅଧିକାରୀମାନଙ୍କୁ ଏ ବିଷୟରେ ସୂଚନା ଦେଇଛି। ନିୟମ ଅନୁଯାୟୀ ଗ୍ରାହକଙ୍କ ଜମା ଫେରସ୍ତକୁ ନେଇ ବ୍ୟାଙ୍କ ମଧ୍ୟ ପଦକ୍ଷେପ ନେବାକୁ କହିଛି। ଆରବିଆଇର ନିର୍ଦ୍ଦେଶ ଅନୁଯାୟୀ ୫ ଲକ୍ଷ ଟଙ୍କା ପର୍ୟ୍ୟନ୍ତ ଜମା ବ୍ୟାଙ୍କର ଗ୍ରାହକଙ୍କୁ ଫେରସ୍ତ କରାଯିବ। ବ୍ୟାଙ୍କର ତଥ୍ୟ ଅନୁଯାୟୀ, ଏଠାରେ ୯୯% ଆକାଉଣ୍ଟଧାରୀ ସେମାନଙ୍କର ସମ୍ପୂର୍ଣ୍ଣ ରାଶି ପାଇପାରିବେ । କେବଳ ୧ ପ୍ରତିଶତ ଗ୍ରାହକ ପ୍ରଭାବିତ ହେବେ ।
ନିୟମ ଅନୁସାରେ ଯଦି ବ୍ୟାଙ୍କ ବନ୍ଦ ହୋଇଯାଏ । ଗ୍ରାହକ ମାନେ ୫ଲକ୍ଷ ଟଙ୍କା ଯାଏ ଫେରସ୍ତ ପାଇପାରିବେ । ଯଦି କୌଣସି ଗ୍ରାହକ ୫ଲକ୍ଷ ଟଙ୍କା ଠାରୁ ଅଧିକ ଟଙ୍କା ଜମା ରଖିଥାନ୍ତି । ତେବେ ଗ୍ରାହକ ମାନେ ପାଇପାରିବେ ନାହିଁ । ବ୍ୟାଙ୍କର ତଥ୍ୟ ଅନୁସାରେ ୨୭ ଜାନୁୟାରୀ ୨୦୨୨ ମଧ୍ୟରେ ବ୍ୟାଙ୍କ ୨.୩୬ କୋଟି ଟଙ୍କା ଗ୍ରାହକଙ୍କୁ ଫେରସ୍ତ କରିସାରିଛି
