ନୂଆଦିଲ୍ଲୀ: ସୋମବାର ତାଲିବନୀ ଆତଙ୍କବାଦୀ ଆଫଗାନିସ୍ତାନର ପୁଲିସ ଓ ସୁରକ୍ଷାକର୍ମୀଙ୍କ ଉପରକୁ ଆକ୍ରମଣ କରିଛନ୍ତି । ଏଥିରେ ୧୦ ଜଣ ସୁରକ୍ଷାକର୍ମୀଙ୍କ ମୃତ୍ୟୁ ଘଟିଛି। ବାଦଗୀସ ରାଜ୍ୟର ରାଜଧାନୀ କଳା-ଏ-ନୌ ନିକଟରେ ହୋଇଥିବା ଆକ୍ରମଣରେ ପୁଲିସ କମାଣ୍ଡର ଅବ୍ଦୁଲ ହକିମଙ୍କ ସମେତ ୫ ଜଣ ଅଧିକାରୀ ପ୍ରାଣ ହରାଇଛନ୍ତି ।
ବାଦଗୀସ ରାଜ୍ୟପାଳ ପ୍ରବକ୍ତା ଜମଶୀଦ ଶହାବିଙ୍କ ସୂଚନା ଅନୁଯାୟୀ, ତାଲିବନ ଆତଙ୍କବାଦୀଙ୍କ ଆକ୍ରମଣ ପରେ ଉଭୟ ପଟରୁ ଗୁଳିବର୍ଷଣ ହୋଇଥିଲା। ଏଥିରେ ପ୍ରାୟ ୨୨ ଜଣ ତାଲିବାନ ଆତଙ୍କବାଦୀଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ୧୬ ଆହତ ହୋଇଥିବା ଜଣାପଡିଛି ।
ବଗଲାନର ମୁଖ୍ୟ ପୁଲିସ ଏକରାମୁଦ୍ଦିନ ସରୀହ ସୂଚନା ଦେଇଛନ୍ତି ଯେ, ଆର୍ମି କ୍ୟାମ୍ପ ଓ ପୁଲିସ ବ୍ୟାରେକ୍ ହୋଇଥିବା ତାଲିବନ ଆକ୍ରମଣରେ ୩ ଜଣ ସେନା ଅଧିକାରୀ ଓ ଦୁଇ ଜଣ ପୁଲିସ ଅଧିକାରୀଙ୍କ ମୃତ୍ୟୁ ଘଟିଛି । ଏଥିରେ ଅନ୍ୟ ୪ ଜଣ ସୁରକ୍ଷାକର୍ମୀ ଆହତ ହୋଇଛନ୍ତି । ସୁରକ୍ଷା ବଳୟକୁ ଭଙ୍ଗ କରି ଗୁଳି ବାରୁଦ ଲୁଟି ନେବା ପାଇଁ ତାଲିବନୀ ଆତଙ୍କବାଦୀମାନେ ଆକ୍ରମଣ କରିଥିଲେ । ଗୁଳି ବିନିମୟ ପରେ ଦୁଇ ଜଣ ପୁଲିସ ଅଧିକାରୀ ନିଖୋଜ ଥିବା ସୂଚନା ମିଳିଛି ।
