ବାଙ୍କୀ : ବାଙ୍କୀ-ଡମପଡା ବ୍ଲକ ଅନ୍ତର୍ଗତ ନରାଗାଙ୍ଗ ପଞ୍ଚାୟତ ଅଧିନ ପଳାଶୁଣି ଗ୍ରାମରେ ମଙ୍ଗଳବାର ଦିନ ଗ୍ରାମୀଣ ପାନୀୟଜଳ ଯୋଗାଣ ପ୍ରକଳ୍ପ ଲୋକାର୍ପିତ ହୋଇଯାଇଛି। ଏହି ପ୍ରକଳ୍ପରେ ଗ୍ରାମର ୧୪୨ପରିବାଙ୍କୁ ବସୁଧା ଯୋଜନାରେ ସରକାରୀ ପାନୀୟ ପାଇପ ଜଳ ଯୋଗାଣ କରାଯାଇଥିବା ସୂଚନା ମିଳିଛି। ବାଙ୍କୀର ପୂର୍ବତନ ବିଧାୟକ ପ୍ରଭାତ କୁମାର ତ୍ରିପାଠୀ ଏହି ପ୍ରକଳ୍ପର ଶୁଭ ଉଦ୍ଦ୍ଘାଟନ କରିଥିବା ବେଳେ ବିଧାୟକ ଦେବୀରଞ୍ଜନ ତ୍ରିପାଠୀ ମୁଖ୍ୟ ଅତିଥି ଭାବରେ ଯୋଗଦେଇ ବସୁଧା ଯୋଜନା ଓ ଗ୍ରାମର ପାନୀୟଜଳ ସଙ୍କଟର ଏହି ଜଳ ଯୋଗାଣ ପ୍ରକଳ୍ପ ଏକ ସଫଳ ତୃଷ୍ଣା ମେଣ୍ଟାଇବାରେ ସକ୍ଷମ ହେବ ବୋଲି କହିଛନ୍ତି।
୫୨ଲକ୍ଷ ଟଙ୍କା ବ୍ୟୟବରାଦରେ ୧ଲକ୍ଷ ଲିଟର ଭୂତଳ ଜଳ ସଂରକ୍ଷଣ ଏବଂ ୫୦ହଜାର ଲିଟର କ୍ଷମତା ବିଶିଷ୍ଟ ପାଣି ଟାଙ୍କି ସହିତ ଗ୍ରାମରେ ୧ହଜାର ୭୦୦ମିଟର ପାଇପ୍ ସଞ୍ଜୋଗ କରାଯାଇଛି। ଏହି ଅବସରରେ ପଳାଶୁଣି ପ୍ରାଥମିକ ବିଦ୍ୟାଳୟ ନିକଟରେ ଆୟୋଜିତ ଲୋକାର୍ପଣ ଉତ୍ସବରେ ଅନ୍ୟତମ ସମ୍ମାନିତ ଅତିଥି ଭାବରେ ଡମପଡା ବ୍ଲକ ଅଧ୍ୟକ୍ଷ ସୂର୍ଯ୍ୟନାରାୟଣ ପାତ୍ର,ଉପାଧ୍ୟକ୍ଷା ରେବତୀ ଜେନା,ସରପଞ୍ଚ ପ୍ରଶାନ୍ତ ମତଗଜସିଂ,ଗ୍ରାମ ମୁରବି ଭଗବାନ ପଣ୍ଡା,ଡଃ. ଗଣେଶ୍ୱର ସ୍ୱାଇଁ,ନାରାୟଣ ଜେନା ପ୍ରମୁଖ ଯୋଗଦେଇଥିଲେ। ବିଭାଗୀୟ କନିଷ୍ଠ ଯନ୍ତ୍ରୀ ବୈଷ୍ଣବ ମଲ୍ଲିକ ଯୋଜନାର ରୂପରେଖ ସମ୍ପର୍କରେ ସୂଚନା ଦେଇଥିଲେ। ଶିକ୍ଷାବିତ୍ ଦିଲ୍ଲିପ କୁମାର ଦାସ ଲୋକାର୍ପିତ ଉତ୍ସବର ସଞ୍ଜୋଜନା କରିଥିଲେ।
ପଳାଶୁଣିରେ ଗ୍ରାମୀଣ ପାନୀୟଜଳ ପ୍ରକଳ୍ପ ଲୋକାର୍ପିତ
Popular Categories
Previous article
Next article