ରେଙ୍ଗାଲିକେମ୍ପ୍ : ଅତାବିରା ଏନ୍ ଏ ସି ର ୱାର୍ଡ ନଂ ୧ ରେ ରହୁଥିବା କାର୍ତ୍ତିକ ପଟେଲ (୩୫) ଦୀର୍ଘ ଧରି କର୍କଟ ରୋଗରେ ପିଡିତ ହୋଇ ଶଯ୍ୟାଶାୟୀ ଅବସ୍ଥାରେ ପଡ଼ି ରହିଛନ୍ତି। ଚା ବିକ୍ରି କରି କଷ୍ଟେ ମଷ୍ଟେ ପରିବାର ଚଳାଇ ଆସୁଥିଲେ କାର୍ତ୍ତିକ । କିନ୍ତୁ ଅସାଧ୍ୟ କର୍କଟ ରୋଗ ତାଙ୍କୁ କବଳିତ କରି ତାଙ୍କର ସୁଖର ସଂସାରକୁ ଦୁଃଖମୟ କରିଦେଇଛି। ଶରୀର ଅସୁସ୍ଥ ସହ ଚିକିତ୍ସା ପାଇଁ ଅର୍ଥ ସାଜିଛି ବାଧକ। ପିଲାଙ୍କୁ ପାଠ ପଢେଇବା ତ ଦୂର କଥା ସେମାନଙ୍କ ମୁହଁରେ ମୁଠାଏ ଦାନା ଦେବାପାଇଁ ମଧ୍ୟ ଏବେ ସେ ଅସମର୍ଥ । ଶଯ୍ୟାଶାୟୀ ଅବସ୍ଥାରେ ଅନ୍ୟ କୌଣସି ଉପାୟ ନ ପାଇ ସହାୟତାର ହାତକୁ ଅନେଇ ଜୀବନର ଅନ୍ତିମ ଦିନ ଗଣି ଚାଲି ଥିଲେ କାର୍ତ୍ତିକ। ତାଙ୍କର ଶୋଚନୀୟ ଅବସ୍ଥାକୁ ସରକାର ତଥା ଲୋକଙ୍କ ଦୃଷ୍ଟି ଆକର୍ଷଣ କରିବା ପାଇଁ ଗତ ୧୨ତାରିଖରେ ଏହି ଖବର ସମାଜ ଦୈନିକ ଖବର କାଗଜରେ ରେଙ୍ଗାଲିକେମ୍ପ ପ୍ରତିନିଧି ପ୍ରକାଶିତ କରିଥିଲେ। ଏହା ସହ କାର୍ତ୍ତିକଙ୍କ ପିଲାମାନେ କିପରି ମାଗଣାରେ ପାଠ ପଢିପାରିବେ ,ସେ ନେଇ ସେ ସ୍ଥାନୀୟ ଅରବିନ୍ଦ ଶିକ୍ଷାକେନ୍ଦ୍ରର କର୍ତ୍ତୃପକ୍ଷଙ୍କୁ ଜଣାଇଥିଲେ। ତାଙ୍କ ନିର୍ଦ୍ଦେଶ କ୍ରମେ ବିଦ୍ୟାଳୟର ଅଧ୍ୟକ୍ଷ ତଥା ଶିକ୍ଷକ ମାନେ କାର୍ତ୍ତିକଙ୍କ ପରିବାର ନିକଟକୁ ପହଞ୍ଚି ତାଙ୍କ ପୁଅକୁ ମାଗଣାରେ ଦଶମ ଶ୍ରେଣୀ ପର୍ୟ୍ୟନ୍ତ ଶିକ୍ଷାଦାନ ଦେବା ପାଇଁ ପ୍ରତିଶ୍ରୁତି ଦେଇ ମହାନ୍ ମାନବିକତାର ପରିଚୟ ସୃଷ୍ଟି କରିଛନ୍ତି। ତେବେ ଏହି ଖବରଟି ସମାଜ ଖବର କାଗଜରେ ପ୍ରକାଶିତ ହେବା ପରେ ବିଧାୟିକା ସ୍ନେହାଙ୍ଗିନୀ ଛୁରିଆଙ୍କ ନିର୍ଦ୍ଦେଶ କ୍ରମେ ଏନ୍ ଏ ସି କାର୍ୟ୍ୟ ନିର୍ବାହୀ ଅଧିକାରୀ ଶ୍ରୀ ସୌର୍ୟ୍ୟ ରଞ୍ଜନ ମିଶ୍ର ଓ ବିଧାୟିକା ପ୍ରତିନିଧି ଟଙ୍କ ଦାଶ ତଥା କର୍ମଚାରୀ ମାନେ କାର୍ତ୍ତିକଙ୍କ ଘରକୁ ପହଞ୍ଚି ପରିବାର ବର୍ଗଙ୍କୁ ଚିକିତ୍ସା ପାଇଁ ତିରିଶ ହଜାର ଟଙ୍କା ପ୍ରଦାନ କରିଛନ୍ତି।
Popular Categories
Previous article
Next article