ଭୁବନେଶ୍ୱର : ରାଜ୍ୟରେ ପୂଜା ଛୁଟି ପରେ ଅଷ୍ଟମ ଓ ଏକାଦଶ ଶ୍ରେଣୀ ଖୋଲିବ। ଅକ୍ଚୋବର ୨୧ରୁ ଏକାଦଶ ଏବଂ ୨୫ରୁ ଅଷ୍ଟମ ଶ୍ରେଣୀ ପିଲାଙ୍କର ଣ୍ରେଣୀଗୃହ ବା ଅଫଲାଇନ୍ ପାଠ ପଢା ହେବ। ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାଶ ଏ ସଂପର୍କରେ ସୂଚନା ଦେଇଛନ୍ତି।
ଅଷ୍ଟମ ଓ ଏକାଦଶ ଶ୍ରେଣୀ ଖୋଲିବା ନେଇ ରାଜ୍ୟ ସରକାରଙ୍କ ପକ୍ଷରୁ ଖସଡା ପ୍ରସ୍ତୁତ କରାଯାଉଛି। ଏନେଇ ଆସନ୍ତାକାଲି ଜିଲ୍ଲା ଶିକ୍ଷା ଅଧିକାରୀଙ୍କ (ଡିଇଓ)ଙ୍କ ସହ ଆଲୋଚନା ହେବ।
- Advertisement -
ଅନ୍ୟପକ୍ଷରେ ପ୍ରଥମରୁ ସପ୍ତମ ଶ୍ରେଣୀ କେବେ ଖୋଲିବ ସେନେଇ ପରବର୍ତ୍ତୀ ସମୟରେ ନିଷ୍ପତ୍ତି ହେବ ବୋଲି ମନ୍ତ୍ରୀ ଶ୍ରୀ ଦାଶ ସୂଚନା ଦେଇଛନ୍ତି । ଏବେ ପ୍ରଥମରୁ ଅଷ୍ଟମ ଯାଏଁ ଅନଲାଇନ ପାଠପଢା ଚାଲିଛି । ବର୍ତ୍ତମାନ ରାଜ୍ୟରେ ନବମ, ଦଶମ ଓ ଦ୍ବାଦଶ ଶ୍ରେଣୀ ଛାତ୍ରଛାତ୍ରୀଙ୍କ ପାଇଁ ଶ୍ରେଣୀଗୃହରେ ପାଠପଢା ଚାଲିଛି । କରୋନା ପାଇଁ ଗତ ୨ ବର୍ଷ ହେଲା ରାଜ୍ୟରେ ପାଠ ପଢା ବାଧାପ୍ରାପ୍ତ ହୋଇଛି ।
