ଚିକିଟି : ଚାଷୀର ସ୍ୱାର୍ଥ ରକ୍ଷା ଦୃଷ୍ଟିରୁ ଚାଷୀଙ୍କୁ ରିଆତି ଦରରେ ସରକାର ସେବା ସମବାୟ ସମିତି ଓ ଡିଲର ମାନଙ୍କ ଜରିଆରେ ୟୁରିଆ ସାର ଯୋଗାଇ ଦେବାକୁ ଲକ୍ଷ୍ୟ ରଖିଥବା ବେଳେ ଚାଷୀଙ୍କୁ ସାର ମିଳିନି,ଏଣେ କଳା ବଜାରରେ ବସ୍ତାପିଛା ୫୨୦ ଟଙ୍କାରୁ ୫୫୦ ଟଙ୍କାରେ ବିକ୍ରୀ ହେଉଥିବା ଜଣାପଡ଼ିଛି । ଚିକିଟି ପେଣ୍ଠର କରବାଲୁଆର ଜଣେ ବ୍ୟବସାୟୀ କଳା ବଜାରରେ ସାର ସଂଗ୍ରହ କରି ଚାଷୀଙ୍କୁ ଚଢା ଦରରେ ବିକୁଥିବା ଅଭିଯୋଗ ହେଉଛି । ବ୍ୟବସାୟୀ ଜଣକ ଏବେ ସାର ଯୋଗାଇ ଦେଇ ଧାନ ଅମଳ ବେଳେ ସେହି ଟଙ୍କାର ଧାନ ସଂଗହ କରୁଥିବା ଜଣାପଡିଛି । ଏଠାରେ ପ୍ରଶ୍ନ ଉଠୁଛି ଯେ ସରକାର ଖୋଲା ବଜାରରେ ୟୁରିଆ ସାର ବିକ୍ରିର ଅନୁମତି ଦେଇନଥିବା ବେଳେ ଏହି ଚୋରା ବ୍ୟବସାୟୀ ଜଣକ କୁଆଡୁ ପର୍ଯ୍ୟାପ୍ତ ପରିମାଣରେ ସାର ସଂଗ୍ରହ କରି ଚାଷୀଙ୍କୁ ଚଢା ଦରରେ ଯୋଗାଉଛନ୍ତି ତାହା ସମସ୍ତଙ୍କୁ ଚକିତ କରିଛି । କୃଷି ବିଭାଗ ସବୁ ଜାଣି ନିଦା ବିଷ୍ଣୁ ପାଲଟି ଯିବାରୁ ସାର କଳା ବଜାର ହେଉଛି ଓ ଚାଷୀ ଠକାମିର ଶିକାର ହେଉଛି । ଏଣୁ ସାର କଳା ବଜାରୀଙ୍କ ଉପରେ କେବେ ଓ କି ପ୍ରକାର କାର୍ଯ୍ୟନୁଷ୍ଠାନ ନେଉଛନ୍ତି ଦେଖିବାକୁ ବାକି ରହିଲା ।
Popular Categories
Previous article
Next article