ନୂଆଦିଲ୍ଲୀ: କେନ୍ଦ୍ର ଭୂପୃଷ୍ଠ ପରିବହନ ଓ ରାଜପଥ ମନ୍ତ୍ରୀ ନିତିନ ଗଡକରିଙ୍କୁ ୟୁଟ୍ୟୁବରୁ ମାସକୁ ମିଳୁଛି ୪ ଲକ୍ଷ ଟଙ୍କା। ଏକଥା ନିଜେ ଗଡକରି ପ୍ରକାଶ କରିଛନ୍ତି। କୋଭିଡ ମହାମାରୀ କାରଣରୁ ତାଲାବନ୍ଦ ସମୟରେ ସେ ନିଜ ସମୟକୁ କିଭଳି ଉପଯୋଗ କରିଥିଲେ, ସେକଥା କହିଛନ୍ତି ଗଡକରି। ଦିଲ୍ଲୀ-ମୁମ୍ବଇ ଏକ୍ସପ୍ରେସ ରାଜପଥ ନିର୍ମାଣ କାର୍ଯ୍ୟର ଅଗ୍ରଗତି ନିରୀକ୍ଷଣ କରିବାକୁ ଯାଇଥିବା ଅବସରରେ ହରିଆଣାରେ ଏକ କାର୍ଯ୍ୟକ୍ରମରେ ଯୋଗଦେଇ ଗଡକରି କହିଛନ୍ତି, କୋଭିଡ-୧୯ ତାଲାବନ୍ଦ ସମୟରେ ସେ ଦୁଇଟି କାମ କରିଥିଲେ। ସେ ଘରେ ରୋଷେଇ କରିବା ସହିତ ଭିଡିଓ କନଫରେନ୍ସିଂ ଜରିଆରେ ବକ୍ତୃତା ଦେବା ଆରମ୍ଭ କରିଥିଲେ। ଅନ୍ଲାଇନରେ ସେ ନିଜର ଅଭିଭାଷଣ ରଖୁଥିଲେ ଯାହା ୟୁଟ୍ୟୁବରେ ଅପଲୋଡ କରାଯାଉଥିଲା। ତାହାର ବିପୁଳ ସଂଖ୍ୟକ ଦର୍ଶକ ଦେଖିଥିଲେ। ସେଥିପାଇଁ ୟୁଟ୍ୟୁବ ଏବେ ତାଙ୍କୁ ମାସକୁ ୪ ଲକ୍ଷ ଟଙ୍କା ମାସକୁ ପ୍ରଦାନ କରୁଛି। ଅତୀତର କଥାକୁ ମନେପକାଇ ସେ କହିଥିଲେ ଯେ ତାଙ୍କ ଶ୍ୱଶୁର ଘର ରାସ୍ତା ମଝିରେ ରହିଯାଇଥିଲା। ସେ ତାଙ୍କ ପତ୍ନୀଙ୍କୁ ନଜଣାଇ ସେହି ଘର ଭାଙ୍ଗିଦେବାକୁ ନିର୍ଦ୍ଦେଶ ଦେଇଥିଲେ। ସେତେବେଳେ ସେ ନୂଆ ବିବାହ କରିଥାନ୍ତି। ପରେ ତାଙ୍କ ପତ୍ନୀ ଏହା ଜାଣିବାକୁ ପାଇଥିଲେ।
Popular Categories
Previous article
Next article