ଗଡ଼ମଧୁପୁର : ଯାଜପୁର ଜିଲା ଧର୍ମଶାଳା ଥାନା ଅନ୍ତର୍ଗତ ଆରୁହା ପଂଚାୟତ କୋହ୍ଲା ସିମାନ୍ତବର୍ତ୍ତୀ ପୋଲ ନିକଟରୁ ଆଜି ଏକ ମୃତ ଦେହ ଉଦ୍ଧାର କରାଯାଇଛି। ମୃତ ବ୍ୟକ୍ତି ଜଣକ ସେହି ଥାନା ଅନ୍ତର୍ଗତ ରାଣିବନ୍ଦୀ ଗ୍ରାମର ବୀର ସାମଲ(୫୬)ପି- କାହ୍ନୁ ସାମଲ ବୋଲି ଜଣାପଡିଛି। ବୀର ଅରୁହା ଗ୍ରାମର ଜନୈକ ଲୋକର ଘରେ ଗାଈ ଜଗୁଆଳ ଭାବରେ କାର୍ଯ୍ୟରତ ଥିଲା। ଆଜି ଘରକୁ ଫେରୁଥିବା ବେଳେ ରାସ୍ତାରେ ଥିବା ଏକ ପୋଲ ତଳେ ପାଣିରେ ପଡିଥିବାର ଲୋକେ ଦେଖି ଉଦ୍ଧାର କରିିଥିଲେ। ସେତେବେଳକୁ ତାର ମୃତ୍ୟୁ ହୋଇ ସାରିଥିବା ପ୍ରତ୍ୟକ୍ଷଦର୍ଶୀଙ୍କ ଠାରୁ ପ୍ରକାଶ। ତେବେ ସେ ପୋଲତଳେ କିପରି ପଡିଲା ତାହା ସ୍ପଷ୍ଟ ହୋଇନାହିଁ। ଖବର ଲେଖାଯିବା ପର୍ଯ୍ୟନ୍ତ ଧର୍ମଶାଳା ଥାନାରେ କୌଣସି ଅଭିଯୋଗ ହୋଇ ନଥିବା ଥାନାଧିକାରୀ ସରୋଜ କୁମାର ସାହୁ କହିଛନ୍ତି । ସନ୍ଧ୍ୟାରେ ଗ୍ରାମର କିଛି ଲୋକ ଓ ପରିବାର ଲୋକଙ୍କ ସହିତ ମୃତ ଦେହ ପାଖରେ ଜଗି ରହିଥିବା ଦେଖାଯାଇଛି । ବୀର ଜଣେ ଅତ୍ୟନ୍ତ ଗରିବ ଶ୍ରେଣୀର ଲୋକ ହୋଇଥିବାରୁ ସରକାରୀ ସହାୟତା ପାଇଁ ସାଧାରଣରେ ଦାବି ହୋଇଛି ।
Popular Categories
Previous article
Next article