ରେଙ୍ଗାଲି କ୍ୟାମ୍ପ : ବାଇକ ଦୁର୍ଘଟଣାରେ ଜଣେ ଯୁବକଙ୍କର ମୃତ୍ୟୁ ଘଟିଛି। ବରଗଡ଼ ଜିଲ୍ଲା ଅତାଵିରା ଏନ୍ ଏ ସି ସ୍ଥିତ ୫୩ ନମ୍ୱର୍ ଜାତୀୟ ରାଜପଥ ଦଫେଡେରା ସମ୍ମୁଖରେ ନିଜ ଘର ବରଗଡ଼ ଅଭିମୁଖେ ବାଇକ୍ ରେ ଯାଉଥିବା ଘୁଲିପାଲି ର ନିହାର ରଞ୍ଜନ ପଟ୍ଟନାୟକ(୩୫) ଦିଭାଇଡର ରେ ଧକ୍କା ହୋଇ ଛିଟିକି ପଡ଼ି ଘଟଣାସ୍ଥଳରେ ତାଙ୍କ ମୃତ୍ୟୁ ଘଟିଥିଲା। ସେ ନିଜ ବାଇକ୍ ରେ ସମ୍ବଲପୁର ପଟରୁ ନିଜ ଘରକୁ ଫେରୁଥିଲେ।
ଘଟଣାର ଖବର ପାଇ ଅତାବିରା ପୁଲିସ ଘଟଣାସ୍ଥଳରେ ପହଞ୍ଚି ମୃତ ଯୁବକ ର ଶରୀରକୁ ଡାକ୍ତରଖାନା କୁ ଆଣିଥିଲେ । କିନ୍ତୁ ଯୁବକର ସମ୍ପୁର୍ଣ୍ଣ ପରିଚୟ ମିଳି ନଥିବା ଯୋଗୁଁ ଦୀର୍ଘ ଚାରି ଘଣ୍ଟା ଧରି ମୃତ ଶରୀର ଟି ଡାକ୍ତରଖାନାରେ ପଡ଼ି ରହିଥିଲା। ପୁଲିସ ବହୁତ୍ ତଦନ୍ତ କରି ପରିଚୟ ପାଇଲା ପରେ ଶବ ବ୍ୟବଚ୍ଛେଦ ପାଇଁ ଗୋଟିଏ ଅଟୋରିକ୍ସାରେ ପରିବାର ତଥା ଥାନାର କର୍ମଚାରୀଙ୍କ ଉପସ୍ଥିତିରେ ଥାନା ଅଧିକାରୀ ଦିଲିପ୍ ବେହେରା ଯୁବକର ମୃତ ଶରୀରକୁ ଅଟୋରେ ରଖି ବରଗଡ଼କୁ ପଠାଇଥିଲେ । ଏ ନେଇ ଅତାବିରା ପୁଲିସ ତଦନ୍ତ ଜାରି ରଖିଛି।
ବାଇକ୍ ଦୁର୍ଘଟଣାରେ ଯୁବକ ମୃତ
Popular Categories
Previous article
Next article