ଚିକିଟି : କରୋନା ସମୟରେ ଲୋକଙ୍କୁ କାମଧନ୍ଦା ଯୋଗାଇ ଦେବା ପାଇଁ ସରକାର ମନରେଗା ଯୋଜନାକୁ ଅଧିକ କ୍ରିୟାଶୀଳ କରିଛନ୍ତି। ହେଲେ ତୃଣମୂଳ ସ୍ତରରେ ତାର ଓଲଟା କାମ ହେଉଛି। ମଣିଷ ବଦଳରେ ମେସିନ କାମ କରୁଥିବା ନଜରକୁ ଆସୁଛି। ଏପରି ଏକ ଅଭିଯୋଗ ଆସିଛି ଚିକିଟି ବ୍ଲକ ଗୋବିନ୍ଦନଗର ପଞ୍ଚାୟତର କିଶୋରଚନ୍ଦ୍ର ପୁର ଗ୍ରାମରୁ । ଅଭିଯୋଗ ପ୍ରକାରେ ଗ୍ରାମ ପୋଖରୀକୁ ମନରେଗା ଯୋଜନା ଜରିଆରେ ଖୋଲିବା ପାଇଁ ମଞ୍ଜୁର ହୋଇଛି କିନ୍ତୁ ଏହି ପୋଖରୀରେ ମଣିଷ ବଦଳରେ ମେସିନ କାମ କରୁଛି। ଜେସିବିରେ ମାଟି ଖୋଳି ଟ୍ରାକ୍ଟର ଯୋଗେ ମାଟି ବୁହା ଯାଉଥିବା ଭିଡିଓ ଚିତ୍ର ଉତ୍ତୋଳନ କରି ବିଜେପି ନେତା ମନୋରଞ୍ଜନ ଦ୍ୟାନ ସାମନ୍ତରା ଜିଲାପାଳ ଓ ବିଡ଼ିଓଙ୍କୁ ଅଭିଯୋଗ କରିଛନ୍ତି। ଅପରାହ୍ନରେ ବିଡ଼ିଓ ଓ ସହକାରୀ ଯନ୍ତ୍ରୀ ଘଟଣାସ୍ଥଳ ପରିଦର୍ଶନ କରିଛନ୍ତି। ଏନେଇ ଏଇ ସୁଶାନ୍ତ କୁମାର ପଟନାୟକଙ୍କୁ ପଚାରିବାରୁ ସେ କହିଛନ୍ତି ଯେ ସେହି ପୋଖରୀରେ ମେସିନ ଲାଗିନି, ମେସିନ ଲାଗିଥବା ସ୍ଥଳ ସେହି ଜାଗାର ନୁହେଁ ବୋଲି କହିଛନ୍ତି। ଗୋଟିଏ ପଟେ ବିଜେପି ନେତାଙ୍କ ଘଟଣା ସ୍ଥଳରୁ ଭିଡିଓ ଚିତ୍ର ଉତ୍ତୋଳନ ଓ ଅନ୍ୟପଟେ ସହକାରୀ ଯନ୍ତ୍ରୀଙ୍କ ଅସ୍ବୀକାର ଘଟଣାକୁ ରୋଚକ ମୋଡ଼ କରିଛି। ଏହାର ଭିଜିଲାନସ ତଦନ୍ତ କରାଗଲେ ପ୍ରକୃତ ରହସ୍ୟ ଉନ୍ମୋଚନ ହୋଇପାରିବ ବୋଲି ମନୋରଞ୍ଜନ ଦାବି କରିଛନ୍ତି ନଚେତ ଏହାକୁ ନେଇ ବିଜେପି ରାଜରାସ୍ତାକୁ ଆସିବ ବୋଲି କହିଛନ୍ତି ।
Popular Categories
Previous article
Next article