ପିଲା ପାଠ ନ ପଢ଼ିଲେ ସେମାନଙ୍କୁ ଶାସନ କରିବାର ଅନେକ ଉପାୟ ଅଛି। କିନ୍ତୁ ହାଇଦ୍ରାବାଦର ଜଣେ ବାପା ପୁଅକୁ ଦଣ୍ଡ ଦେବାକୁ ଯାଇ ନିଷ୍ଠୁରତାର ସବୁ ସୀମା ଟପିଯାଇଛି। ପୁଅ ପାଠ ନ ପଢ଼ିବାରୁ ତା’ ଦେହରେ ତାରପିନ୍ ତେଲ ଢାଳି ନିଆଁ ଲଗାଇ ଦେଇଛି ବାପା।
ଏହି ଘଟଣା ପୂରା ରାଜ୍ୟରେ ଆଲୋଡ଼ନ ସୃଷ୍ଟି କରିଛି। ୧୦ ବର୍ଷର ପୁଅ ପାଠ ପଢ଼ାରେ ମନଧ୍ୟାନ ନ ଦେବାରୁ ବାପା ଏପରି ନିଷ୍ଠୁର ପଦକ୍ଷେପ ନେଇଛି। ନିଆଁରେ ପୁଅର ୬୦ ପ୍ରତିଶତ ଶରୀର ପୋଡ଼ି ଯାଇଛି। ତାଙ୍କୁ ଚିକିତ୍ସା ପାଇଁ ହାଇଦ୍ରାବାଦର ଏକ ସରକାରୀ ହସ୍ପିଟାଲରେ ଭର୍ତ୍ତି କରାଯାଇଥିବା ପୁଲିସ ସୂଚନା ଦେଇଛି।
- Advertisement -
ପୁଲିସ ସୂଚନା ଅନୁସାରେ, ପିଲାଟିର ବାପା ଜଣେ ଶ୍ରମିକ। ଘଟଣା ପରଠାରୁ ସେ ଫେରାର ହୋଇଯାଇଛି। ରବିବାର ରାତିରେ କୁକଟପଲ୍ଲୀ ହାଉସିଂ ବୋର୍ଡ ଅଞ୍ଚଳରେ ଏହି ଅଭାବନୀୟ ଘଟଣା ଘଟିଥିବା ଜଣାପଡ଼ିଛି।
