ରାଉରକେଲା: ରାଉରକେଲାରେ କାନ୍ଥ ପଡି ୨ଜଣ ନାବାଳିକାଙ୍କର ଶୋଚନୀୟ ମୃତ୍ୟୁ ହୋଇଯାଇଛି। ଏହି ଅଭାବନୀୟ ଘଟଣା ରାଉରକେଲାର ଉଦିତନଗର ଥାନା ଅନ୍ତର୍ଗତ ମାଲଗୋଦାମ ବସ୍ତିରେ ଘଟିଛି । ବସ୍ତିର ପିଣ୍ଟୁ ବାରିକ ତାଙ୍କ ପରିବାର ସହ ଗତ ରାତିରେ ଶୋଇଥିବା ବେଳେ ହଠାତ ମାଟି କାନ୍ଥଟି ଧସି ଭୁଷୁଡି ପଡିଥିଲା। ଘଟଣା ସ୍ଥଳରେ ତାଙ୍କର ୨ ଝିଅଙ୍କର ମୃତ୍ୟୁ ହୋଇଯାଇଛି। ମୃତ ନାବାଳିକା ଦ୍ବୟ ସୁଜାତା ବାରିକ(୫) ଓ ସୌମ୍ୟା ବାରିକ(୩)। ପିଣ୍ଟୁ ବାରିକ ଏବଂ ତାଙ୍କ ପତ୍ନୀ ଗୁରୁତର ଆହତ ହୋଇଛନ୍ତି। ତାଙ୍କୁ ଉଦ୍ଧାର କରାଯାଇ ସରକାରୀ ଡାକ୍ତରଖାନାରେ ଭର୍ତ୍ତି କରାଯାଇଛି।
