ବାଲେଶ୍ଵର : ମଙ୍ଗଳବାର ଭୋର୍ ସମୟରେ ବାଲେଶ୍ବର ଜିଲ୍ଲାର ଖନ୍ତାପଡ଼ା ଥାନା ଅଞ୍ଚଳରେ ଦୁଇଟି ପୃଥକ ପୃଥକ ଦୁର୍ଘଟଣା ଘଟିଥବା ଜଣାଯାଇଛି। ଏହି ଦୁଇ ଦୁର୍ଘଟଣାରେ ଜଣେ ପ୍ରବାସୀ ଶ୍ରମିକଙ୍କ ସମେତ ଜଣେ ଟ୍ରକ ଡ୍ରାଇଭରଙ୍କର ମୃତ୍ୟୁ ଘଟିଛି । ମିଳିଥିବା ସୂଚନା ଅନୁଯାୟୀ, ଖନ୍ତାପଡ଼ା ଥାନା ଅଞ୍ଚଳରେ ଥିବା ଫାଲକନ୍ ମେରାଇନ୍ ଆକ୍ବା ଏକ୍ସପୋର୍ଟ ଲିମିଟେଡ୍ ଆଗରେ ଏକ ଛିଡ଼ା ହୋଇଥିବା ଟ୍ରକକୁ ପଛରୁ ଏକ ଲୁହା ପ୍ଲେଟ୍ ବୋଝେଇ ଟ୍ରକ କୁ ଧକ୍କା ଦେଇଥିଲା । ଏହା ଫଳରେ ଲୁହା ପ୍ଲେଟ୍ ବୋଝେଇ ଟ୍ରକରେ ବସିଥିବା ଜଣେ ପ୍ରବାସୀ ଶ୍ରମିକଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି। ଏଥିରେ ଟ୍ରକ ଚାଳକ ଗୁରୁତର ହୋଇ ନିକଟସ୍ଥ ଡାକ୍ତରଖାନାରେ ଭର୍ତ୍ତି ହୋଇଥିବା ଜଣାଯାଇଛି।
ସେହିପରି ଖନ୍ତାପଡ଼ା ଥାନା ଅଞ୍ଚଳରେ ଥିବା ପଣପଣା ନିକଟରେ କୋଲକାତାରୁ ପ୍ରବାସୀ ଶ୍ରମିକଙ୍କୁ ଛାଡ଼ି ଭୁବନେଶ୍ୱର ଫେରୁଥିବା ବେଳେ ଏକ ଟ୍ରକ ସହ ମୁହାଁମୁହିଁ ଧକ୍କା ହୋଇଥିଲା। ଭୋର ସାଢେ ୩ଟା ବେଳେ ଏହି ଦୁର୍ଘଟଣା ଘଟିଥିଲା। ଏଥିରେ ଟ୍ରକ୍ ଡ୍ରାଇଭରଙ୍କର ଘଟଣାସ୍ଥଳରେ ମୃତ୍ୟୁ ହୋଇଥିବା ବେଳେ, ବସ୍ ଡ୍ରାଇଭର ଗୁରୁତର ହୋଇଥିବାର ଖବର ମିଳିଛି।
