କୋରାପୁଟ : କୋଭିଡ-୧୯ ସଂକ୍ରମଣକୁ ନେଇ ଲକ୍ଡାଉନ ପରିସ୍ଥିତିରେ କୋରାପୁଟସ୍ଥିତ କେନ୍ଦ୍ରୀୟ ବିଶ୍ୱବିଦ୍ୟାଳୟ ଛାତ୍ରଛାତ୍ରୀମାନଙ୍କ ଶିକ୍ଷାଗ୍ରହଣ ତଥା ପରାମର୍ଶ ନିମନ୍ତେ ‘ଭରୋସା’ ହେଲଲାଇନ ନମ୍ବର ଆରମ୍ଭ କରିଛି ।
ରାଜ୍ୟରେ ଯେକୌଣସି ସ୍ଥାନରେ ଥିବା ଯେକୌଣସି ବିଶ୍ବବିଦ୍ୟାଳୟର ଛାତ୍ରଛାତ୍ରୀ ଏହି ହେଲପଲାଇନ ନମ୍ବର ଡାଏଲ କରି ପରାମର୍ଶ ପାଇପାରିବେ। ସେହି ନମ୍ବରଟି ହେଉଛି ୦୮୦୪୬୮୦୧୦୧୦ ।
କୋରାପୁଟ ଜିଲ୍ଲାପାଳ ମଧୁସୂଦନ ମିଶ୍ର ମଙ୍ଗଳବାର ଏହି ‘ଭରୋସା’ ହେଲଲାଇନ (ପାଇଲଟ ପ୍ରକଳ୍ପ) ନମ୍ବରର ଶୁଭାରମ୍ଭ କରିଛନ୍ତି । କେନ୍ଦ୍ରୀୟ ବିଶ୍ୱବିଦ୍ୟାଳୟର କୁଳପତି ପ୍ରଫେସର ଆଇ. ରାମବ୍ରହ୍ମମ୍ ଓ ରେଜିଷ୍ଟ୍ରାର ପ୍ରପେସର ଅସିତ କୁମାର ଦାସ, ଟିମ୍ ଲିଡର ଡକ୍ଟର ରମେନ୍ଦ୍ର କୁମାର ପାଢୀ ଅତିଥି ପ୍ରାଧ୍ୟାପକ ଡକ୍ଟର ଦୁର୍ଗା ପ୍ରସାଦ ଏବଂ ବିଶ୍ୱବିଦ୍ୟାଳୟର ଲୋକ ସଂପର୍କ ଅଧିକାରୀ ଡକ୍ଟର ଫଗୁନାଥ ଭୋଇ ପ୍ରମୁଖ କାର୍ଯ୍ୟକ୍ରମରେ ଉପସ୍ଥିତ ଥିଲେ ।
ଅନ୍ୟପକ୍ଷରେ କେନ୍ଦ୍ରମାନବ ସମ୍ବଳ ବିକାଶ ମନ୍ତ୍ରୀ ଡକ୍ଟର ରମେଶ ପେଖରିଆଲ ନିଶଙ୍କ ଏବଂ ରାଜ୍ୟ ଉଚ୍ଚ ଶିକ୍ଷା ମନ୍ତ୍ରୀ ଅରୁଣ କୁମାର ସାହୁ ଖୁବ୍ ଶୀଘ୍ର ଭିଡିଓ କନଫରେନ୍ସ ମାଧ୍ୟମରେ ଏହାର ଶୁଭାରମ୍ଭ କରିବାର କାର୍ଯ୍ୟକ୍ରମ ରହିଛି ।
