ଭୁବନେଶ୍ବର: ସାରା କଟକ ସହର ବିଶୋଧନ (ସାନିଟାଇଜ୍) କରାଯିବ । ଏହା ସହ ହାଇକୋର୍ଟରେ କାର୍ଯ୍ୟ କରୁଥିବା ସମସ୍ତ କର୍ମଚାରୀଙ୍କ କରୋନା ସ୍କିନିଂ ହେବ । ହାଇକୋର୍ଟ ଏ ସମ୍ପର୍କରେ ରାଜ୍ୟ ସରକାରଙ୍କୁ ନିର୍ଦେଶ ଦେଇଛନ୍ତି । ଜଣେ ଆଇନଜୀବୀଙ୍କ ଦ୍ବାରା ଆଗତ ଏକ ଜନସ୍ବାର୍ଥ ମାମଲାର ବିଚାର କରି ହାଇକୋର୍ଟ ଏପରି ନିର୍ଦେଶ ଶୁଣାଇଛନ୍ତି ।
କରୋନା ହଟ୍ ସ୍ପଟ୍ ବିବେଚିତ ରାଜ୍ୟର କେତେକ ଅଞ୍ଚଳକୁ ପୂର୍ବରୁ ରାଜ୍ୟ ସରକାର ସାନିଟାଇଜ୍ କରିଛନ୍ତି । ଭୁବନେଶ୍ବରରେ ସୂର୍ଯ୍ୟନଗର, ବମିଖାଲ ପରି କଣ୍ଟେନମେଣ୍ଟ ଜୋନକୁ ବିଶୋଧନ କରାଯାଇଥିଲା । ସେହିପରି ପୁରୀ ବଡ଼ଦାଣ୍ଡକୁ ମଧ୍ୟ ବିଶୋଧନ କରାଯିବାକୁ ପଦକ୍ଷେପ ନିଆଯାଇଥିଲା । ଅନ୍ୟପକ୍ଷରେ ଯେଉଁସ୍ଥାନରେ କରୋନା ସଂକ୍ରମିତ ଚିହ୍ନଟ ହେଉଛନ୍ତି ସେହି ସ୍ଥାନକୁ ବିଶୋଧନ କରାଯିବାକୁ ପଦକ୍ଷେପ ନିଆଯାଇଛି ।
