ଭାରତର ଏଭଳି ଏକ ଦୁର୍ଗ, ଯେଉଁଠାରୁ ଦୃଶ୍ୟମାନ ହୁଏ ସମଗ୍ର ପାକିସ୍ତାନ : ଅଷ୍ଟମ ଫାଟକ ଏପର୍ଯ୍ୟନ୍ତ ରହସ୍ୟମୟ!

ସମାଜ ପୋର୍ଟାଲ ଡ଼େସ୍କ : ଭାରତକୁ ମନ୍ଦିରମାଳିନୀ ଦେଶ କହିଲେ ଅତ୍ୟୁକ୍ତି ହେବ ନାହିଁ। ଭାରତରେ ଅଧିକାଂଶ ହିନ୍ଦୁ ଧର୍ମାଲମ୍ବୀ ଲୋକ ବସବାସ କରୁଥିବାରୁ ଏଠାରେ ଅଧିକାଂଶ ମନ୍ଦିର ଦୃଶ୍ୟମାନ ହୁଏ। ସେହିଭଳି ଆମ ଦେଶକୁ ଦୁର୍ଗର ଦେଶ ମଧ୍ୟ କୁହାଯାଏ। କାରଣ ଏଠାରେ ଅନେକଗୁଡ଼ିଏ ଦୁର୍ଗ ରହିଛି। ଏଠାରେ ପାଖାପାଖି ୫୦୦ରୁ ଅଧିକ ଦୁର୍ଗ ରହିଛି। ଯାହା ଦେଶର ବିଭିନ୍ନ ସ୍ଥାନରେ ଅବସ୍ଥିତ। ଏହି ଦୁର୍ଗଗୁଡ଼ିକ ମଧ୍ୟରୁ ଅନେକ ଶହ ଶହ ବର୍ଷ ପୁରୁଣା। ଏହାର ନିର୍ମାଣକୁ ନେଇ ମଧ୍ୟ କୌଣସି ସୂଚନା ନାହିଁ। ଏଠାରେ ଉପସ୍ଥିତ ଥିବା ଅନେକ ଦୁର୍ଗ ମଧ୍ୟ କୌଣସି କାରଣରୁ ରହସ୍ୟମୟ ବିବେଚନା କରାଯାଏ।
ଆଜି ଆମେ ଆପଣଙ୍କୁ ଏପରି ଏକ ଦୁର୍ଗ ବିଷୟରେ ସୂଚନା ଦେବାକୁ ଯାଉଛୁ, ଯାହା ବିଷୟରେ କୁହାଯାଏ ଯେ, ସେଠାରୁ ସମଗ୍ର ପାକିସ୍ତାନ ଦୃଶ୍ୟମାନ ହୁଏ, କିନ୍ତୁ ଏହି ଦୁର୍ଗର ଅଷ୍ଟମ ଫାଟକ ଅତ୍ୟନ୍ତ ରହସ୍ୟମୟ ବୋଲି ବିବେଚନା କରାଯାଏ।
ଏହି ଦୁର୍ଗ ମେହେରଙ୍ଗ ଦୁର୍ଗ ବା ମେହେରଙ୍ଗର ଦୁର୍ଗ ଭାବରେ ଜଣାଶୁଣା। ରାଜସ୍ଥାନର ଯୋଧପୁର ସହରର ମଧ୍ୟଭାଗରେ ଅବସ୍ଥିତ ଏହି ଦୁର୍ଗ ପ୍ରାୟ ୧୨୫ ମିଟର ଉଚ୍ଚରେ ନିର୍ମିତ। ଏହି ଦୁର୍ଗର ଭିତ୍ତିପ୍ରସ୍ତର ୧୫ତମ ଶତାବ୍ଦୀରେ ରାଓ ଯୋଡାଙ୍କ ଦ୍ୱାରା ହୋଇଥିଲା। କିନ୍ତୁ ଏହାର ନିର୍ମାଣକାର୍ୟ୍ୟ ମହାରାଜ ଯଶବନ୍ତ ସିଂଙ୍କ ଦ୍ୱାରା ଶେଷ ହୋଇଥିଲା।
ଏହି ଦୁର୍ଗ ଭାରତର ସର୍ବ ପୁରାତନ ଏବଂ ବୃହତ୍ତମ ଦୁର୍ଗ ମଧ୍ୟରୁ ଅନ୍ୟତମ। ଯାହାକୁ ଭାରତର ସମୃଦ୍ଧ ଅତୀତର ପ୍ରତୀକ ଭାବେ ବିବେଚନା କରାଯାଏ। ଆଠଟି ଫାଟକ ଏବଂ ଅଗଣିତ ଭିତ୍ତିଭୂମି ସହିତ ଏହି ଦୁର୍ଗ ଉଚ୍ଚ କାନ୍ଥ ଦ୍ୱାରା ଘେରି ରହିଛି। ଯଦିଓ ଏହି ଦୁର୍ଗର ସାତୋଟି ଫାଟକ ରହିଛି। ଏହାର ଅଷ୍ଟମ ଫାଟକ ରହସ୍ୟମୟ ଅଟେ। ଏହି ଦୁର୍ଗ ଭିତରେ ଅନେକ ବଡ଼ ବଡ଼ ମହଲ, ଚମତ୍କାର ଖୋଦିତ କବାଟ ଏବଂ ଲାଟାଇସ୍ ୱିଣ୍ଡୋ ଅଛି, ଯେଉଁଥିରେ ମୋତି ମହଲ, ଫୁଲ ମହଲ, ସିଲେ ଖାନା ଏବଂ ଦୌଲତ ଖାନା ଅତ୍ୟନ୍ତ ସ୍ୱତନ୍ତ୍ର। ଦୁର୍ଗ ନିକଟରେ ଚାମୁଣ୍ଡା ମାତାଙ୍କ ମନ୍ଦିର ଅଛି, ଯାହା ରାଓ ଯୋଡା ଦ୍ୱାରା ନିର୍ମିତ ହୋଇଥିଲା। ନବରାତ୍ରୀ ସମୟରେ ଏଠାରେ ସ୍ୱତନ୍ତ୍ର ପୂଜା କରାଯାଇଥାଏ।
ମେହେରଙ୍ଗର ଦୁର୍ଗ ନିର୍ମାଣର କାହାଣୀ ଏପରି ଯେ, ଯେତେବେଳେ ରାଓ ଯୋଡା ଯୋଧପୁରର ୧୫ ତମ ଶାସକ ହେଲେ, ଏକ ବର୍ଷ ପରେ ସେ ଅନୁଭବ କଲେ ଯେ ମାଣ୍ଡୋର ଦୁର୍ଗ ତାଙ୍କ ପାଇଁ ସୁରକ୍ଷିତ ନୁହେଁ। ତେଣୁ ସେମାନେ ତତ୍କାଳୀନ ଦୁର୍ଗଠାରୁ ଏକ କିଲୋମିଟର ଦୂରରେ ଏକ ପାହାଡ ଉପରେ ଏକ ଦୁର୍ଗ ନିର୍ମାଣ କରିବାକୁ ଚିନ୍ତା କଲେ। ସେଠାରେ ବହୁ ସଂଖ୍ୟାରେ ପକ୍ଷୀ ବାସ କରୁଥିବାରୁ ଏହି ପାହାଡଟି ’ଭୋର ଚିଡିଟୁଙ୍କ’ ଭାବରେ ଜଣାଶୁଣା। ରାଓ ଯୋଡା ୧୪୫୯ରେ ଏହି ଦୁର୍ଗର ମୂଳଦୁଆ ପକାଇଥିବା ବିଶ୍ୱାସ କରାଯାଏ।