ଭୁବନେଶ୍ୱର : କରୋନା ମୁକାବିଲା କ୍ଷେତ୍ରରେ ଓଡ଼ିଶା ଅନ୍ୟ ଭାରତୀୟ ରାଜ୍ୟମାନଙ୍କଠାରୁ ଢ଼େର ଆଗରେ । କେରଳ ଭିନ୍ନ ଅନ୍ୟ କୌଣସି ରାଜ୍ୟରେ କରୋନା ମୁକାବିଲା ଓଡ଼ିଶା ପରି ଅତ୍ୟନ୍ତ ଶକ୍ତିଶାଳୀ ଢ଼ଙ୍ଗରେ ପରିଚାଳନା କରାଯାଉଥିବା ଦୃଷ୍ଟାନ୍ତ ନାହିଁ । ପ୍ରଥମ ପର୍ଯ୍ୟାୟରେ ୧୫ ଆଇଏଏସ୍ ଅଧିକାରୀଙ୍କୁ ଆଜି (ରବିବାର) ସରକାର କରୋନା ପରିଚାଳନା ଦାୟିତ୍ବ ପ୍ରଦାନ କରିଥିବାବେଳେ ଦ୍ବିତୀୟ ପର୍ଯ୍ୟାୟରେ ବିଭିନ୍ନ ଜିଲା ଦାୟିତ୍ବ ୨୨ ଅଧିକାରୀଙ୍କୁ ଅର୍ପଣ କରିଛନ୍ତି । ଏହି ଅଧିକାରୀମାନେ ନିଜନିଜ ଦାୟିତ୍ବ ସହ ଅତିରିକ୍ତ ଭାବରେ ବିଭିନ୍ନ ଜିଲାରେ କରୋନା ସଂକ୍ରାନ୍ତ କାର୍ଯ୍ୟକ୍ରମ ପରିଚାଳନା କରିବେ।
ଅତିରିକ୍ତ ମୁଖ୍ୟ ଶାସନ ସଚିବ ତଥା କୃଷି ଉତ୍ପାଦନ କମିଶନର ପ୍ରଦିପ୍ତ ମହାପାତ୍ରଙ୍କୁ କରୋନା ମୁକାବିଲା ପାଇଁ ଅତିରିକ୍ତ ଦାୟିତ୍ୱ ଦିଆଯାଇଛି । ରାଜସ୍ୱ ବିଭାଗ ସହ ସ୍ୱାସ୍ଥ୍ୟ ବିଭାଗର ଓ ଅତିରିକ୍ତ ମୁଖ୍ୟ ଶାସନ ସଚିବ ଭାବେ କାର୍ଯ୍ୟ କରିବେ । ନିକୁଞ୍ଜ ଧଳ ସ୍ୱାସ୍ଥ୍ୟ ବିଭାଗର ପ୍ରମୁଖ ଶାସବ ସଚିବ ଭାବେ ପୂର୍ବପରି କାମ କରିବେ ।
ଭୁବନେଶ୍ୱର ପାଇଁ ଅନୁଗର୍ଗ ଓ ଏନ୍ ତିରୁମାଲା ନାୟକଙ୍କୁ ଦିଆଯାଇଛି ଅତିରିକ୍ତ ଦାୟିତ୍ବ । ବାଲେଶ୍ୱର ଓ ଭଦ୍ରକ ଦାୟିତ୍ବରେ ଅଛନ୍ତି ଦୁଇ ବରିଷ୍ଠ ଅଧିକାରୀ ମଧୁସୂଦନ ପାଢ଼ୀ ଓ ରତ୍ନାକର ରାଉତ।
କଟକ ସହର ଓ ଗ୍ରାମାଞ୍ଚଳ ପାଇଁ ସୌରଭ ଗର୍ଗ ଓ ସୁଶାନ୍ତ ମହାପାତ୍ରଙ୍କୁ ଦାୟିତ୍ବ ପ୍ରଦାନ କରାଯାଇଛି । ଗଞ୍ଜାମ ଓ ଗଜପତି ଜିଲା ପାଇଁ ଦାୟିତ୍ବ ପାଇଛନ୍ତି କ୍ରିଷନ କୁମାର ଓ ଜି.ଭାଥିଭାଥନନ ।
ଯାଜପୁର , ଜଗତସିଂହପୁର ଓ କେନ୍ଦ୍ରାପଡ଼ା ଦାୟିତ୍ୱରେ ରହିଛନ୍ତି ହେମନ୍ତ ଶର୍ମା ଓ ସୁରେଶ ଦଳାଇ । ବରିଷ୍ଠ ଆଇଏଏସ୍ ବିଷ୍ଣୁପଦ ସେଠୀ ଓ ଗୋପବନ୍ଧୁ ଶତପଥୀଙ୍କୁ ଦିଆଯାଇଛି ଅନୁଗୁଳ, ଦେବଗଡ଼ ଓ ଢ଼େଙ୍କାନାଳ ଜିଲା ଦାୟିତ୍ବ ।
ବଲାଙ୍ଗୀର, ବରଗଡ଼ ଓ ନୂଆପଡ଼ା ଦାୟିତ୍ୱରେ ଅଛନ୍ତି ସୁଶୀଲ କୁମାର ଲୋହାନୀ ଓ ବେ
ସୁଶିଲ ଲୋହାନୀ ଓ ବେଣୁଧର ବେହେରା, କଳାହାଣ୍ଡି, କନ୍ଧମାଳ ଓ ବୌଦ୍ଧ ପାଇଁ ଶାଶ୍ୱତ ମିଶ୍ର ଓ ବିଷ୍ଣୁ ମିଶ୍ର, କୋରାପୁଟ ,ମାଲକାନଗିରି, ରାୟଗଡ଼ା ଓ ନବରଙ୍ଗପୁର ପାଇଁ ଭିଭି ଯାଦବ ଓ ରଶିଦ୍ ଖାନ୍, ନୟାଗଡ଼, ପୁରୀ, କଟକ ଓ ଖୋର୍ଦ୍ଧା ଗ୍ରାମାଂଚଳ ପାଇଁ ଅନୀଲ ସାମଲ, ସମସ୍ୱଲପୁର , ସୋନପୁର, ଝାରସୁଗୁଡ଼ା ଓ ସୁନ୍ଦରଗଡ଼ ପାଇଁ ନିରଞ୍ଜନ ସାହୁଙ୍କୁ ଅତିରିକ୍ତ ଦାୟିତ୍ୱ ଦିଆଯାଇଛି ।
