କଲକାତା : ଗୋଲାପି ବଲରେ ପ୍ରଥମ ଦିବାରାତ୍ର ଟେଷ୍ଟରେ ଭାରତ ମଜବୁତ ସ୍ଥିତିରେ ପହଞ୍ଚିଛି । କୋଲ୍କାତାର ଇଡେନ୍ ଗାର୍ଡେନରେ ବାଂଲାଦେଶ ଓ ଭାରତ ମଧ୍ୟରେ ଚାଲିଥିବା ଏହି ଟେଷ୍ଟର ଦ୍ବିତୀୟ ଦିନରେ ଟିମ୍ ଇଣ୍ଡିଆର ଅଧିନାୟକ ବିରାଟ କୋହଲି ଶତକ ହାସଲ କରିଛନ୍ତି । ଶୁକ୍ରବାର ପ୍ରଥମ ଦିନରେ କୋହଲି ୫୯ ରନ କରି ଅପରାଜିତ ଥିବାବେଳେ ଶନିବାର ୧୩୬ ରନ୍ କରି ଆଉଟ ହୋଇଛନ୍ତି ।
ଆଜି ଭାରତ ପ୍ରଥମ ଦିନର ଅସମାପ୍ତ ଇନିଂସ ୧୭୪/୩ ରୁ ଖେଳ ଆରମ୍ଭ କରିଥିଲା । ତେବେ କୋହଲି ୧୩୬ ରନ କରି ଆଉଟ ହୋଇଛନ୍ତି । ଦ୍ବିତୀୟ ଦିନର ଜଳପାନ ବିରତି ସୁଦ୍ଧା ଭାରତ ୩୨୯/୬ ରନ୍ କରିଛି । ସେହିପରି ଗତକାଲି ୨୩ ରନ୍ କରି ଅପରାଜିତ ଥିବା ରାହାଣେ ୫୧ ରନ୍ କରି ଆଉଟ ହୋଇଛନ୍ତି । ରବୀନ୍ଦ୍ର ଜାଡେଜା ମାତ୍ର ୧୨ ରନ କରି ଆଉଟ ହୋଇଛନ୍ତି । ଭାରତ ବର୍ତ୍ତମାନ ୨୨୪ ରନ ଆଗୁଆ ରହିଛି ।
ଶୁକ୍ରବାର ଟସ୍ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇ ବାଂଲାଦେଶ ପ୍ରଥମ ଇନିଂସରେ ୧୦୬ ରନ୍ କରି ଅଲ ଆଉଟ ହୋଇଯାଇଥିଲା ।
ଚଳିତ ସିରିଜର ଏହା ୨ୟ ଟେଷ୍ଟ ମ୍ୟାଚ, ହୋଇଥିବା ବେଳେ ଭାରତ ପ୍ରଥମ ଟେଷ୍ଟ ଜିତି ୧-୦ରେ ଆଗୁଆ ରହିଛି ।
