ଦଲାଇ ଲାମାଙ୍କ ଉତ୍ତରାଧିକାରୀ ଚୟନ କରିବା ଅଧିକାର ଚୀନର ନାହିଁ: ଆମେରିକା

ଜାତିସଂଘ: ତିବ୍ଦତୀୟ ଧର୍ମଗୁରୁ ଦଲାଇଲାମାଙ୍କ ଉତ୍ତରାଧିକାରୀ ଚୟନ କରିବା ଅଧିକାର ଚୀନର ନାହିଁ ବୋଲି ଆମେରିକା କହିଛି। ଆମେରିକା ରାଷ୍ଟ୍ରଦୂତ ସାମ୍‌ ବ୍ରାଉନବେକ୍‌ ଜାତିସଂଘରେ କହିଛନ୍ତି ଯେ, ଅନ୍ତର୍ଜାତୀୟ ଧାର୍ମିକ ସ୍ବତନ୍ତ୍ରତା ପାଇଁ ବିଶ୍ଵ ସମୁଦାୟ ସ୍ପଷ୍ଟ ଏବଂ ଦୃଢ଼ ଭାବରେ ଅବଗତ ହେବା ଜରୁରୀ ଯେ ଦଲାଇ ଲାମାଙ୍କ ଉତ୍ତରାଧିକାରୀ ନିର୍ଦ୍ଧାରଣ କରିବାର ଅଧିକାରୀ ଚୀନ ସରକାରଙ୍କର ନାହିଁ। ତିବ୍ଦତୀୟ ବୌଦ୍ଧଭିକ୍ଷୁମାନଙ୍କ ଦ୍ବାରା ଦଲାଇ ଲାମାଙ୍କ ଉତ୍ତରାଧିକାରୀ ନିର୍ଦ୍ଧାରଣ କରାଯିବା ଉଚିତ। ଆମେରିକା ରାଷ୍ଟ୍ରଦୂତ ବ୍ରାଉନବେକ୍‌ଙ୍କ କହିବା ଅନୁସାରେ, ୟୁରୋପୀୟ ସରକାରଙ୍କ ଦ୍ବାରା ଏହି ପ୍ରସଙ୍ଗ ଉତ୍ଥାପନ କରାଯିବା ଉଚିତ, ଯିଏ ଧାର୍ମିକ ସ୍ବତନ୍ତ୍ରତା ଏବଂ ମାନବାଧିକାର ବିଷୟରେ ଚିନ୍ତା କରୁଛି। ଜାତିସଂଘରେ ବି ଏହି ପ୍ରସଙ୍ଗ ଉଠାଯିବା ଆବଶ୍ୟକ। ବିଶେଷ କରି ଧାର୍ମିକ ସ୍ବତନ୍ତ୍ରତା ଏବଂ ମାନବାଧିକାର ବିଷୟରେ ଚିନ୍ତା କରୁଥିବା ୟୁରୋପୀୟ ସରକାରମାନେ ଏହି ପ୍ରସଙ୍ଗ ଉପସ୍ଥାପନ କରିବା ଦରକାର।