ଫିଲିପାଇନ୍ସ : ଫିଲିପାଇନ୍ସରେ ସାଇବର ଅପରାଧରେ ଅଭିଯୁକ୍ତ ୩୨୪ ଚୀନ୍ ନାଗରିକଙ୍କୁ ଗିରଫ କରାଯାଇଛି। ଦେଶାନ୍ତରଣ ସଂସ୍ଥା ଓ ସେନା ସହାୟତାରେ ଏହି ଚୀନ୍ ନାଗରିକଙ୍କୁ ଗିରଫ କରାଯାଇଛି। ପୁଞ୍ଜି ନିବେଶ ଠକେଇ ମାମଲାରେ ୨୭୭ ଚୀନ୍ ନାଗରିକଙ୍କୁ ଶୁକ୍ରବାର ଠାରୁ ଅଟକ ରଖାଯିବା ପରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି।
ଦେଶାନ୍ତରଣ ବ୍ୟୁରୋ କହିଛି ଏହି କାର୍ଯ୍ୟାନୁଷ୍ଠାନ ସମୟରେ ପାଲୱାନ ଦ୍ବୀପର ପ୍ୟୁରେଟୋ ପ୍ରିନ୍ସେସା ସହରରୁ ୩୨୪ ଜଣ ଚୀନ୍ ନାଗରିକଙ୍କୁ ଗିରଫ କରାଯାଇଥିଲା। ବ୍ୟୁରୋ ପକ୍ଷରୁ ଆହୁରି କୁହାଯାଇଛି ଅଟକ ଥିବା ବ୍ୟକ୍ତିମାନଙ୍କ ମଧ୍ୟରୁ ଅଧିକାଂଶଙ୍କ ନିକଟରେ ବୈଧ ଦସ୍ତାବିଜ ନାହିଁ। ସେଥିପାଇଁ ସେମାନଙ୍କୁ ଦେଶାନ୍ତରଣ କରାଯିବ। ତଦନ୍ତକାରୀ ସଂସ୍ଥା କହିଛି ସାଇବର ଅପରାଧ, ପୁଞ୍ଜି ନିବେଶ ଠକେଇ ଏବଂ ବେଆଇନ ଅନ୍ଲାଇନ୍ ଗେମ୍ସରେ ଲିପ୍ତ ଅବୈଧ ବିଦେଶୀ ନାଗରିକମାନଙ୍କର ସବିଶେଷ ତଥ୍ୟ ସଂଗ୍ରହ କରାଯିବ।
