ଡେସ୍କ: ପ୍ରାୟ ୩୫୦୦ ଭାରତୀୟ ଏବଂ ୧୦୦୦ ଜଣ ଭାରତୀୟ ବଂଶୋଦ୍ଭବ ସୁଦାନରେ ଫସି ରହିଛନ୍ତି। ଆଜି ନୂଆଦିଲ୍ଲୀରେ ଗଣମାଧ୍ୟମକୁ ସୂଚନା ଦେଇ ବୈଦେଶିକ ସଚିବ ବିନୟ ମୋହନ କ୍ୱାତ୍ରା କହିଛନ୍ତି ଯେ ସୁଦାନରେ ସ୍ଥିତି ଅତ୍ୟନ୍ତ ଅସ୍ଥିର ରହିଛି ଏବଂ ଚଳିତ ମାସ ୧୫ ତାରିଖରୁ ବିବାଦ ଆରମ୍ଭ ହେବା ପରଠାରୁ ଭାରତ ଏହା ଉପରେ ନିରନ୍ତର ନଜର ରଖିଛି। ବୈଦେଶିକ ବ୍ୟାପାର ମନ୍ତ୍ରୀ ଡକ୍ଟର ଏସ ଜୟଶଙ୍କର ତାଙ୍କ ଆମେରିକା, ସାଉଦି ଆରବ, ୟୁଏଇ, ଇଜିପ୍ଟ ଏବଂ ବ୍ରିଟେନର ପ୍ରତିପକ୍ଷଙ୍କ ସହ ସୁରକ୍ଷିତ ଉଦ୍ଧାର ସମ୍ପର୍କରେ କଥା ହୋଇଛନ୍ତି।
ବୈଦେଶିକ ସଚିବ କହିଛନ୍ତି ଯେ ସୁଦାନ ମଧ୍ୟରେ ଭାରତୀୟଙ୍କ ସହ ଯୋଗାଯୋଗ ପାଇଁ ନେଟୱାର୍କ ପ୍ରତିଷ୍ଠା କରାଯାଇଛି ଯାହା ମାଧ୍ୟମରେ ଭାରତୀୟମାନେ ପରିସ୍ଥିତି ସମ୍ପର୍କରେ ସୂଚନା ଦେଇପାରିବେ ଏବଂ ଭାରତ ସରକାର ମଧ୍ୟ ସେମାନଙ୍କୁ ପରାମର୍ଶ ଦେଇପାରିବେ। ଶ୍ରୀ କ୍ୱାତ୍ରା କହିଛନ୍ତି ଯେ ଦୂତାବାସ ଏକ ଅନଲାଇନ୍ ପଞ୍ଜୀକରଣ ପ୍ରକ୍ରିୟା ମଧ୍ୟ ଆରମ୍ଭ କରିଛି। ସେ କହିଛନ୍ତି ଯେ ଏପର୍ଯ୍ୟନ୍ତ ପ୍ରାୟ ୩୦୦୦ ଭାରତୀୟ ନାଗରିକ ନିଜର ପଞ୍ଜିକରଣ କରିଛନ୍ତି ଏବଂ ୩ ଶହ ଲୋକ ଦୂତାବାସ ସହ ଯୋଗାଯୋଗରେ ଅଛନ୍ତି।
Comments are closed.