ସମାଜ ଡିଜିଟାଲ ଡେସ୍କ: ଆଫଗାନିସ୍ତାନରେ ପାକିସ୍ତାନର ଏୟାରଷ୍ଟ୍ରାଇକ । ଏଥିରେ ଆଫଗାନିସ୍ତାନର ୩ଜଣ କ୍ରିକେଟରଙ୍କ ମୃତ୍ୟୁ ହୋଇଥିବା ସୂଚନା ମିଳିଛି । ଶୁକ୍ରବାର ଦିନ ଆଫଗାନିସ୍ତାନର ପକତିକା ପ୍ରୋଭିନ୍ସରେ ଏୟାରଷ୍ଟ୍ରାଇକ କରିଥିଲା ପାକିସ୍ତାନ । ଏଥିରେ ୩ଜଣ ଘରୋଇ କ୍ରିକେଟରଙ୍କ ମୃତ୍ୟୁ ହୋଇଥିବା କହିଛି ଆଫଗାନ କ୍ରିକେଟ ବୋର୍ଡ । ଏୟାରଷ୍ଟ୍ରାଇକରେ ୮ଜଣଙ୍କ ମୃତ୍ୟୁ ହୋଇଥିଲା । ଏମାନଙ୍କ ଭିତରେ ୩ଜଣ କ୍ରିକେଟର ଥିଲେ । ତିନି ଜଣ କ୍ରିକେଟର ହେଲେ କବିର, ଶିଭାତୁଲ୍ଲା ଓ ହାରୋନ ।
ପାକିସ୍ତାନର ଏଭଳି ଆକ୍ରମଣକୁ ନିନ୍ଦା କରିଛି ଆଫଗାନିସ୍ତାନ । ଏହାକୁ ପାକିସ୍ତାନର ଭୀରୁତା ଓ ବର୍ବରତା କୁହାଯାଇଛି । ଏହି ଆକ୍ରମଣ ଯୋଗୁ ଟ୍ରାଇ ସିରିଜରୁ ଓହରିଛି ଆଫଗାନ୍ କ୍ରିକେଟ ବୋର୍ଡ । ନଭେମ୍ବରରେ ପାକିସ୍ତାନ, ଶ୍ରୀଲଙ୍କା ଓ ଆଫଗାନକୁ ନେଇ ଟ୍ରାଇ ସିରିଜ ହେବାର ଥିଲା ।
