ଭୁବନେଶ୍ୱର: ସମୁଦାୟ ଦେଶ ସହିତ ଓଡ଼ିଶାରେ ମଧ୍ୟ ଦୈନିକ କୋଭିଡ ସଂକ୍ରମଣ ଉପରମୁହାଁ ହେବାରେ ଲାଗିଛି । ଗତ ୨୪ ଘଣ୍ଟାରେ ରାଜ୍ୟରେ ୨୨୧ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି । ସେମାନଙ୍କ ମଧ୍ୟରୁ ସଂଗରୋଧରୁ ୧୨୯ ଓ ସ୍ଥାନୀୟ ସଂକ୍ରମିତ ୯୨ ଜଣ ରହିଛନ୍ତି । ଏହି ଆକ୍ରାନ୍ତଙ୍କ ମଧ୍ୟରେ ୧୮ ବର୍ଷରୁ କମ୍ ବୟସର ୩୪ ଜଣ ରହିଛନ୍ତି । ବାଲେଶ୍ୱର ୮, ବରଗଡ ୧, କଟକ ୧୫, ଢେଙ୍କାନାଳ ୩, ଗଜପତି ୨, ଗଞ୍ଜାମ ୨, ଜଗତସିଂହପୁର ୫, ଯାଜପୁର ୬, ଝାରସୁଗୁଡା ୫, କେନ୍ଦ୍ରାପଡାରୁ ୩ ଚିହ୍ନଟ ହୋଇଛନ୍ତି । କେନ୍ଦୁଝର ୧, ଖୋର୍ଦ୍ଧା ୯୮, କୋରାପୁଟ ୨, ମୟୁରଭଞ୍ଜ ୮, ନୟାଗଡ ୩, ନୂଆପଡା ୧, ପୁରୀ ୬, ରାୟଗଡା ୧, ସମ୍ବଲପୁର ୨୧, ସୋନପୁର ୧, ସୁନ୍ଦରଗଡ ୭ ଓ ଷ୍ଟେଟପୁଲରୁ ୨୧ ଜଣ ନୂଆ ଆକ୍ରାନ୍ତଙ୍କୁ ଚିହ୍ନଟ କରାଯାଇଛି । ଦିନକ ମଧ୍ୟରେ ରାଜ୍ୟରେ ୧୮୫ ଜଣ କୋଭିଡରୁ ସୁସ୍ଥ ହୋଇଛନ୍ତି । ସଂପ୍ରତି ରାଜ୍ୟରେ ୧୫୯୩ ଜଣ ସକ୍ରିୟ ଆକ୍ରାନ୍ତ ଥିବା ଜଣାଯାଇଛି । ଏହି ଅବସରରେ ଓଡ଼ିଶା ଏହାର ୨ କୋଟିରୁ ଅଧିକ ରାଜ୍ୟବାସୀଙ୍କର ପୂର୍ଣ୍ଣ ଟିକାକରଣ କରିବା ସହିତ କୋଭିଡ ମୁକାବିଲା କ୍ଷେତ୍ରରେ ଆଉ ଏକ ମାଇଲଖୁଣ୍ଟ ସ୍ଥାପନ କରିଛି ।
Popular Categories
Previous article
Next article