ରାଷ୍ଟ୍ରପତି ରାମ ନାଥ କୋବିନ୍ଦ ୨୦୦୧ ସଂସଦ ଭବନ ଆକ୍ରମଣରେ ସହୀଦ ହୋଇଥିବା ବୀର ଯବାନମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି। ସଂସଦ ଆକ୍ରମଣର ବାର୍ଷିକୀ ଅବସରରେ ଶ୍ରୀ କୋବିନ୍ଦ ଟ୍ୱିଟ କରିଛନ୍ତି, ଆଜି ଦେଶ ୨୦୦୧ ମସିହା ସଂସଦ ଆକ୍ରମଣରେ ନିଜ ଜୀବନକୁ ଉତ୍ସର୍ଗ କରି ସଂସଦର ସୁରକ୍ଷା କରିଥିବା ଯବାନମାନଙ୍କୁ ସ୍ମରଣ କରୁଛି। ସେ କହିଛନ୍ତି, ଲୋକତନ୍ତ୍ରର ମନ୍ଦିରର ସୁରକ୍ଷା ନିମନ୍ତେ ଆତଙ୍କବାଦୀ କାର୍ଯ୍ୟକୁ ପରାସ୍ତ କରି ବଳିଦାନ ଦେଇଥିବା ଯବାନମାନଙ୍କ ସାହାସ ଆମକୁ ଆହୁରି ସୁଦୃଢ କରିଛି।
The nation gratefully remembers the brave martyrs who laid down their lives defending the Parliament on this day in 2001. While commemorating the great sacrifice of those defenders of the temple of our democracy, we strengthen our resolve to defeat the forces of terror.
— President of India (@rashtrapatibhvn) December 13, 2020
ଶହୀଦମାନଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ସଂସଦ ଉପରେ ହୋଇଥିବା ଆକ୍ରମଣକୁ ଦେଶ କଦାପି ଭୁଲି ପାରିବ ନାହିଁ। ସେହି ଶହୀଦଙ୍କ ପ୍ରତି ଦେଶ ସର୍ବଦା ଋଣୀ ରହିବ ବୋଲି ସେ କହିଛନ୍ତି। ସେ କହିଛନ୍ତି, ସଂସଦର ସୁରକ୍ଷା ପାଇଁ ବଳିଦାନ ଦେଇଥିବା ଶହୀଦମାନଙ୍କ ପ୍ରତି ଦେଶ କୃତଜ୍ଞ ରହିବ।
We will never forget the cowardly attack on our Parliament on this day in 2001. We recall the valour and sacrifice of those who lost their lives protecting our Parliament. India will always be thankful to them.
— Narendra Modi (@narendramodi) December 13, 2020
ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହା ଶ୍ରଦ୍ଧାଞ୍ଜଳି ଅର୍ପଣ କରି କହିଛନ୍ତି, ସର୍ବୋଚ୍ଚ ବଳିଦାନ ଦେଇଥିବା ଯବାନମାନଙ୍କୁ ଦେଶ ସବୁ ସମୟରେ ସ୍ମରଣ କରିବ।
Paid floral tributes to the brave martyrs who laid down their lives while protecting our parliament in 2001 terrorist attack.
I bow to their exemplary courage and sacrifice. pic.twitter.com/oSffVIpIdf
— Amit Shah (@AmitShah) December 13, 2020
୨୦୦୧ ମସିହା ଆଜିର ଦିନରେ ପାକିସ୍ଥାନରେ ସକ୍ରିୟ ଆତଙ୍କୀ ସଂଗଠନ ଲସ୍କର-ଏ-ତୋଏବା ଏବଂ ଜୈସେ ମହମ୍ମଦର ଆତଙ୍କବାଦୀ ଭାରତୀୟ ସଂସଦ ଉପରେ ଆକ୍ରମଣ କରିଥିଲେ। ଦିଲ୍ଲୀ ପୁଲିସ ଏବଂ ସଂସଦ ସୁରକ୍ଷା କର୍ମଚାରୀଙ୍କ ସମେତ ଜଣେ ମାଳି ଏଥିରେ ସହୀଦ ହୋଇଥିଲେ ଓ ୫ ଜଣ ଆତଙ୍କବାଦୀ ସୁରକ୍ଷା କର୍ମୀଙ୍କ ଗୁଳିରେ ମୃତ୍ୟୁବରଣ କରିଥିଲେ।
