ସମାଜ ଡିଜିଟାଲ ଡେସ୍କ: ରାଜ୍ୟର ବିଶ୍ୱବିଦ୍ୟାଳୟ ଗୁଡିକରେ ଖାଲି ପଡିଛି ଅଧ୍ୟାପକ ପଦ । ବିଧାନସଭାରେ ଏନେଇ ଆଜି ତଥ୍ୟ ରଖିଛନ୍ତି ଉଚ୍ଚଶକ୍ଷା ମନ୍ତ୍ରୀ ସୂର୍ଯ୍ୟବଂଶୀ ସୂରଜ । ବିଶ୍ୱବିଦ୍ୟାଳୟରେ ୧୪୦୪ଅଧ୍ୟାପକ ପଦ ଖାଲିପଡିଛି । ସେଥିମଧ୍ୟରୁ ୨୬୦ ପ୍ରାଧ୍ୟାପକ ପଦ ଖାଲି ପଡିଥିବା ବେଳେ, ୪୫୩ ଆସୋସିଏସ୍ ପ୍ରାଧ୍ୟାପକ, ୬୬୯ ସହକାରୀ ପ୍ରାଧ୍ୟାପକ ପଦ ଖାଲିପଡିଛି । ତେବେ ବିଶ୍ୱବିଦ୍ୟାଳୟ ଦୃଷ୍ଟିରୁ ଦେଖିଲେ ସବୁଠୁ ଅଧ୍ୟାପକ ମରୁଡି ଦେଖିବାକୁ ମିଳିଛି ରେଭେନ୍ସା ବିଶ୍ୱବିଦ୍ୟାଳୟରେ । ତା ପଛରେ ରହିଛି ବାଣୀବିହାର ବିଶ୍ୱବିଦ୍ୟାଳୟ ।
ସେହିପରି ୧୭ବିଶ୍ୱବିଦ୍ୟାଳୟରେ ୨୨୮୬ଅଣଶିକ୍ଷକ ପଦ ଖାଲି ପଡିଥିବା ଗୃହରେ ଉତ୍ତର ରଖିଛନ୍ତି ଉଚ୍ଚଶିକ୍ଷା ମନ୍ତ୍ରୀ । ଏନେଇ ବିଜେପି ବିଧାୟକ ଟଙ୍କଧର ତ୍ରିପାଠୀ ଗୃହରେ ପ୍ରଶ୍ନ କରିଥିଲେ ।
