ନୂଆଦିଲ୍ଲୀ : କର୍ଣ୍ଣାଟକ ବିଧାନସଭା ବାଚସ୍ପତି କେ.ଆର ରମେଶ କୁମାର ରବିବାର ବିଦ୍ରୋହୀ ୧୪ ଜଣ ବିଧାୟକଙ୍କୁ ଅଯୋଗ୍ୟ ଘୋଷଣା କରିଛନ୍ତି । ଏହା ପୂର୍ବରୁ ଗୁରୁବାର ବାଚସ୍ପିତି ୩ ଜଣ ବିଧାୟକଙ୍କୁ ଅଯୋଗ୍ୟ ଘୋଷଣା କରିଥିଲା। ମୋଟ୍ ୧୭ ଜଣ ବିଧାୟକଙ୍କୁ ଅଯୋଗ୍ୟ ଘୋଷଣା କରିଛନ୍ତି ।
ମିଳିଥିବା ସୂଚନା ଅନୁଯାୟୀ, ବାଚସ୍ପତି ପଦରୁ କେ.ଆର୍. ରମେଶ କୁମାର ଇସ୍ତଫା ଦେବା ପାଇଁ ବିଜେପି ଦାବି କରି ଆସୁଥିଲା। ବିଦ୍ରୋହୀ ବିଧାୟକଙ୍କ ଇସ୍ତଫା ଗ୍ରହଣ କରାଯିବ କିମ୍ବା ସେମାନଙ୍କୁ ଅଯୋଗ୍ୟ ଘୋଷଣା କରାଯିବ ଏହାର ନିଷ୍ପତ୍ତି ବାଚସ୍ପତିଙ୍କ ନେବାର ଥିଲା । ଏହି କ୍ରମରେ ବାଚସ୍ପତି ରବିବାର ୧୪ ଜଣ ବିଧାୟକଙ୍କୁ ଅଯୋଗ୍ୟ ଘୋଷଣା କରିଛନ୍ତି । ଏହି ଘୋଷଣା କରିବା ସମୟରେ ବାଚସ୍ପତି କହିଛନ୍ତି ଯେ, ସ୍ଥିତିକୁ ନିୟନ୍ତ୍ରଣ କରିବା ପାଇଁ ଯେଭଳି ମୋ ଉପରେ ଚାପ ପକାଯାଉଛି ସେଥିରେ ମୁଁ ଅବସାଦଗ୍ରସ୍ତ ହୋଇଛି ।
