ନୂଆଦିଲ୍ଲୀ : ଭାରତ ମହାସାଗରରେ ଚୀନର ପାଦୁର୍ଭାବକୁ ବୃଦ୍ଧିକୁ ପ୍ରତିହତ କରିବା ପାଇଁ ଭାରତ ବଡ଼ ରଣନୀତି ପ୍ରସ୍ତୁତ କରିଛି। ଏହି କ୍ରମରେ ଭାରତୀୟ ବିମାନ ବନ୍ଦର କର୍ତ୍ତୃପକ୍ଷ (ଏଏଆଇ) ଶ୍ରୀଲଙ୍କାର ପାଲାଲୟ ବିମାନ ବନ୍ଦର ନିର୍ମାଣ କରିବାକୁ ନିଷ୍ପତ୍ତି ନେଇଛି। ନିଜର ଘରୋଇ ପ୍ରତିପକ୍ଷ ଜିଏମ୍ଆର ଏବଂ ଜିଭିକେ କମ୍ପାନୀ ଭଳି ବିଦେଶରେ ବିମାନ ବନ୍ଦର ନିର୍ମାଣ କରିବା ଏଏଆଇ ଶ୍ରୀଲଙ୍କାକୁ ଚୟନ କରିଛି। ସାମରିକ ଦୃଷ୍ଟି କୋଣରୁ ଏହି ବିମାନ ବନ୍ଦର ଭାରତ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଏଥି ନିମନ୍ତେ ଏଏଆଇ ଏବଂ ଭାରତୀୟ ବିଦେଶ ବ୍ୟାପାର ମନ୍ତ୍ରଣାଳୟ ମଧ୍ୟରେ ଏକ ରାଜିନାମା ସ୍ୱାକ୍ଷର ହୋଇଛି। ବିମାନ ବନ୍ଦର ବିକାଶ ପାଇଁ ଏଏଆଇ ଖୁବଶୀଘ୍ର ବିଦେଶ ମନ୍ତ୍ରାଳୟକୁ ବିସ୍ତୃତ ପ୍ରକଳ୍ପ ରିପୋର୍ଟ ପ୍ରସ୍ତୁତ କରିବ। ସୂଚନା ଅନୁସାରେ ଏଏଆଇ ଭାରତର ମେଟ୍ରୋ, ଅଣମେଟ୍ରୋ ସହରରେ ସେ ୬୦ରୁ ଅଧିକ ବିମାନ ବନ୍ଦର ନିର୍ମାଣ କରିଛନ୍ତି। ସୂଚନା ଅନୁସାରେ ପାଲାଲୟ ଶ୍ରୀଲଙ୍କାର ଉତ୍ତରାଞ୍ଚଳର ଜାଫନାଠାରେ ଅବସ୍ଥିତ। ଏଏଆଇ ପାଲାଲୟଠାରେ ବିମାନ ବନ୍ଦର ବିକାଶ କରିବ। ଏହାସହ ଏହା ଉତ୍ତର ଶ୍ରୀଲଙ୍କାର ପ୍ରଥମ ବିମାନ ବନ୍ଦରରେ ପରିଣତ ହେବ।
Popular Categories
Previous article
Next article